e enjte, 10 tetor 20240

Seminari i V-të i Shkollës Politike (Gjenerata e 22-të) - Komunikimi Politik, Dezinformimi dhe Pjesëmarrja

Gjatë këtij vikendi, nga data 4 deri më 6 Tetor, u mbajt seminari i V-të, që përkon me seminarin e fundit të gjeneratës së 22-të të Shkollës Politike të PIPS. Tema e këtij seminari ishte “Komunikimi Politik, Dezinformimi dhe Pjesëmarrja”, ku si element kishte më shumë punën në grupe dhe tema më praktike.

e mërkurë, 2 tetor 20240

Seminari i IV-të i Shkollës Politike (Gjenerata e 22-të) - Zhvillimi i Qëndrueshëm - Politikat, Institucionet dhe Qeverisja

Këtë fundjavë, nga 20 deri më 22 shtator, mbajtëm Seminarin e IV-të të Shkollës Politike të PIPS me gjeneratën e 22-të, e cila kishte temën 'Zhvillimi i Qëndrueshëm - Politikat, Institucionet dhe Qeverisja'. Seminari pati ligjërata dhe diskutime rreth ekonomisë, zhvillimit të qëndrueshëm dhe qeverisjen efektive për përparimin e Kosovës.

Seminari solli tema interesante pë pjesëmarrësit, ku ata patën mundësi të eksploronin modele të ndryshme zhvillimi me z. Adri Nurellari dhe perspektiva të reja mbi ekonominë me z. Edison Jakurti. Diskutuam gjithashtu rëndësinë e qeverisjes efektive për rritjen ekonomike me z. Shpend Ahmeti, dhe rolin kyç të sundimit të ligjit në zhvillimin ekonomik me z. Dastid Pallaska

Sesione të tjera theksuan rrugën e Kosovës drejt integrimit në BE dhe bashkëpunimin rajonal, me njohuri të vlefshme nga z. Artan Çollaku dhe znj. Sytrime Dervisholli, si dhe rëndësinë e arsimit joformal dhe ICT-së në Kosovë nga z. Shpend Lila.

e premte, 6 shtator 20240

Seminarin Rajonal i Drejtësisë Tranzicionale në bashkëpunim me BFPE (Shkolla Politike e Serbisë) - 30 gusht - 1 shtator

Këtë fundjavë, nga 30 gushti deri më 1 shtator, PIPS organizonoi Seminarin Rajonal të Drejtësisë Tranzicionale në bashkëpunim me BFPE. Seminari i cili u organizua nën ombrellën e projektit rajonal “Mbështetja e BE-së për Ndërtimin e Besimit në Ballkanin Perëndimor”, i cili financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP), mblodhi 40 pjesëmarrës të përkushtuar nga Kosova dhe Serbia.

Ky seminar shërbeu si një platformë për dialog dhe mirëkuptim. Duke u fokusuar në drejtësinë tranzicionale dhe në kujtesën kolektive të konfliktit të vitit 1999 në Kosovë, ne inkurajuam një mjedis komunikimi të hapur për të mësuar më shumë rreth bazave të drejtësisë tranzicionale dhe për të shkëmbyer pikëpamje se si të trajtojmë të kaluarën në mënyrë të përgjegjshme.

Seminari filloi me një seancë mirëseardhëse të udhëhequr nga znj. Leonora Kryeziu (PIPS), z. Nuno Queirós (UNDP), znj. Eva Palatova (Zyra e BE-së) dhe znj. Svetlana Stefanovic (BFPE). Gjatë seminarit, ne patëm nderin të eksploronim tema shumë të rëndësishme me folës dhe ekspertë të ndryshëm të Drejtësisë Tranzicionale, si mekanizmat e drejtësisë tranzicionale me z. Thomas Unger, konteksti historik i konfliktit me znj. Sonja Biserko, dhe njohuri rreth përpjekjeve humanitare me z.Bekim Blakaj. Ndërsa, dr. Gëzim Visoka dhe znj. Jovana Radosavljević organizuan një diskutim të rëndësishëm mbi sfidat dhe mundësitë në arritjen e paqes së qëndrueshme. Fundjava u përmbyll me reflektime mbi median dhe memorializimin e udhëhequr nga z. Abit Hoxha dhe znj. Serbeze Haxhiaj.

e mërkurë, 3 korrik 20240

Seminari i III-të i Gjeneratës së 22-të së Shkollës Politike - Politika e Jashtme dhe Siguria Nacionale

Gjatë fundjavës (28-30 Qershor), Shkolla Politike organizoi seminarin e tretë për gjeneratën e saj të 22-të. Tema e seminarit të III-të ishte Politika e Jashtme dhe Siguria Nacionale. Vikendi ishte i mbushur me ligjërata/diskutime të rëndësishme nga përfaqësues të ndryshëm, të cilët diskutuan gjerësisht rreth Politikës së Jashtme, Sigurisë Nacionale dhe rolin e Kosovës në këtë fushë. Ishte një fundjavë e mbushur me diskutime interaktive, ligjërata interesante dhe momente dinamike!

Diskutimet gjatë seminarit ishin frytdhënëse dhe të dobishme për të gjithë pjesëmarrësit. Jemi mirënjohës për kontributin e të gjithë ligjëruesve, moderatorëve dhe pjesëmarrësve në suksesin e këtij seminarit.
Më poshtë, shihni disa momente nga Seminari i parë i Shkollës Politike.

Programi i Shkollës Politike mbështetet nga Këshilli i Evropës. Ky seminar i Shkollës Politike është mbështetur nga Konrad-Adenauer-Stiftung Kosovo.

e mërkurë, 15 maj 20240

Seminari i II-të i Shkollës Politike rreth Drejtësisë Tranzicionale dhe Mekanizmave të saj

Në edicionin e 2024 të Shkollës Politike, PIPS-i ka prezantuar një seminar që ka për fokus trajtimin e të kaluarës dhe drejtësisë tranzicionale.

Këtë vikend (10-12 Maj), PIPS zhvilloi këtë seminar, i dyti me radhë i Shkollës Politike, i cili ishte gjithashtu seminari i parë i programit për Drejtësinë Tranzicionale.

Seminari pati për fokus të veçantë që udhëheqësit e ardhshëm të jenë më mendjehapur dhe përfshirës, për të u angazhuar në çështje politike, dhe për të kuptuar rëndësinë e adresimit dhe ballafaqimit me të kaluarën. Pjesëmarrësit mësuan për komisionet e së vërtetës, ndjekjet penale, reparacionet, dhe reformat institucionale si mjete për të parandaluar përsëritjen e padrejtësive të kaluara. Seminari eksploroi temat e trajtimit të padrejtësive historike dhe balancimit të përgjegjësisë rreth pajtimit.

Gjatë fundjavës, pjesëmarrësit dëgjuan njëri-tjetrin, dhe u angazhuan në diskutime të ndjeshme, energjia ishte e madhe me ide dhe shpirt bashkëpunues.

RSS

1 2 3 4 5 6 7 8 9 10 Next Last

Aktivitetet më të shikuara

Diskutim mbi Reformën e Sistemit të Inspektimeve në Kosovë

Diona Kusari / e martë, 11 maj 2021

/ Kategoria: Aktivitetet

Diskutim mbi Reformën e Sistemit të Inspektimeve në Kosovë

Më 11 Maj PIPS mbajti diskutimin për reformën e sistemit të inspektimeve në vend, ku morrën pjesë përfaqësues nga inspektoratet, ministritë përgjegjëse dhe shoqëria civile.

Gjatë kësaj ngjarje u prezantua analiza e PIPS si dhe u mbajt një diskutim mes pjesëmarrësve dhe panelistëve rreth aspekteve ligjore të reformës, kontekstit të tanishëm dhe pengesat e inspektorateve në lidhje me zbatimin e reformës.

Z. Rexhep Bllaca nga Departamenti Ligjor i Ministrisë së Industrisë, Ndërmarrësisë dhe Tregtisë tregoi se projektligji për inspektimet ka qenë i gatshëm në Janar 2021, sic ka qenë në 2019 por për shkak të rënieve të qeverive është vonuar kaq shumë miratimi i tij. Ai tha se në fazën e dytë të reformës parashihet të bëhet rishikimi dhe harmonizimi i rreth 130 ligjeve.

Z. Naser Shamolli nga Grupi për Studime Juridike dhe Politike foli për rëndësinë e përpilimit dhe miratimit të një plani konkret me detyra dhe afate të qarta dhe realiste për zbatimin e kësaj reforme, përkundër tendencës që të synohen afate jorealiste prej 1 viti për të rregulluar të gjitha çështjet e një reforme kaq komplekse.

Në ndërkohë shumë përfaqësues të inspektorateve u kyçën në diskutim duke shprehur gatishmërinë e tyre për koordinim ndërmjet inspektorateve dhe institucioneve kyçe siç kanë bërë deri më tani, apo edhe shqetësimin e tyre për pamundësinë e rishikimit dhe harmonizimit të rreth 130 ligjeve me ligjin që pritet të hyn në fuqi.

Ky aktivitet u organizua me mbështetjen e Fondacionit Kosovar për Shoqëri të Hapur.

Print

19540 Rate this article:

No rating

Programet	Integrimi evropian Qeverisja cilësore
Viti i publikimit	2020

Aktivitetet tjera