Seminari i IV-të i Shkollës Politike (Gjenerata e 21-të) Partitë Politike dhe Komunikimi Politik e mërkurë, 13 shtator 20230

Seminari i IV-të i Shkollës Politike (Gjenerata e 21-të) Partitë Politike dhe Komunikimi Politik

Seminari i IV i Shkollës Politike: Partitë Politike dhe Komunikimi Politik:


Kjo fundjavë shënoi seminarin e katërt dhe të fundit të të Gjeneratës '21 së Shkollës Politike!

Seminari “Partitë Politike dhe Komunikimi Politik” i cili u mbajt nga datat 9-10 shtator tek Pylli i Arinjve Prishtinë, doli të jetë një vikend me diskutime përmbajtësore, energji, ngazëllim dhe njohuri të thella. Si pjesëmarrësit e Shkollës, edhe ligjëruesit ndanë këndvështrimet e tyre, duke krijuar një platformë që nuk ishte asgjë më pak se fuqizuese intelektualisht.


Pikat kryesore:
Një zhytje e thellë në nuancat e partive politike si agjentë të demokratizimit dhe rolin e tyre kryesor në proceset zgjedhore si dhe ndikimi transformues i komunikimit politik dhe sfera dixhitale e mediave sociale.

Në ditën e parë kishim nderin të kishim ligjërues interaktiv si z. Bashmir Xhemaj për komunikimin politik, znj. Flutura Kusari për lirinë e shprehjes dhe z. Agon Maliqi për sfidat e populizmit.

Dita e dytë vazhdoi me sesione tërheqëse nga z. Adri Nurellari mbi thelbin dhe rëndësinë e partive politike dhe pikëpamjet e z. Adem Beha mbi demokracinë e brendshme të partive politike në Kosovë.

Programi i Shkollës Politike mbështetet nga Këshilli i Evropës.
Seminari i III-të të Shkollës Politike - Gjenerata 21 (Siguria Nacionale dhe Politika e Jashtme) e diel, 2 korrik 20230

Seminari i III-të të Shkollës Politike - Gjenerata 21 (Siguria Nacionale dhe Politika e Jashtme)

Seminari III-të i Shkollës Politike u përmbyll me sukses në Prishtinë! Ishte një fundjavë e mbushur me diskutime interaktive, ligjërata me përmbajtje interesante dhe socializim! Temat kryesore të shtjelluara në këtë seminar ishin Siguria Nacionale dhe Politika e Jashtme, duke përfshirë sigurinë kibernetike për herë të parë në Shkollën Politike.


Ne dëshirojmë të shprehim mirënjohjen tonë për Konrad-Adenauer-Stiftung Kosovo dhe Këshillin e Evropës për mbështetjen e palëkundur të Shkollës Politike. Pa përkushtimin e tyre, ky seminar nuk do të ishte i mundur.
Seminari i II-të i Shkollës Politike të Gjeneratës së 21-të e enjte, 25 maj 20230

Seminari i II-të i Shkollës Politike të Gjeneratës së 21-të

Seminari i Dytë i Shkollës Politike 2023 u përmbyll me sukses këtë vikend në Durrës! Fundjava ishte e mbushur me diskutime të thella, ligjërata interesante dhe punë energjike në grupe!

I shprehim mirënjohjen tonë të përzemërt Këshillit të Evropës për mbështetjen e palëkundur të Shkollës Politike.

Lexo më shumë informata rreth seminarit brenda artikullit.
DEKLARATA E REYKJAVÍK-ut 'Të bashkuar rreth vlerave tona' (SAMITI I REYKJAVÍK-ut - KËSHILLI I EVROPËS) e mërkurë, 24 maj 20230

DEKLARATA E REYKJAVÍK-ut 'Të bashkuar rreth vlerave tona' (SAMITI I REYKJAVÍK-ut - KËSHILLI I EVROPËS)

Samiti i Këshillit të Evropës në Rejkjavik përcaktoi orientimin e organizatës në sfidat e reja për demokracinë.

Krerët e 46 vendeve anëtare të organizatës u dakorduan në:

*krijimin e mekanizmit të riparimit të dëmeve të shkaktuara nga agresioni i Federatës Ruse në Ukrainë;
* aderimin e Bashkimit Evropian në Konventën Evropiane për të Drejtat e Njeriut;
* standarde të reja për të mbrojtur të drejtat e njeriut në epokën dixhitale online dhe offline, veçanërisht në lidhje me inteligjencën artificiale;
* njohjen politike të së drejtës për një mjedis të pastër, të shëndetshëm dhe të qëndrueshëm si një e drejtë e njeriut;
* promovimin e të drejtave sociale në Evropë përmes Kartës Sociale, etj.

Lexo më shumë brenda aktivitetit.
Seminari i I-rë i Shkollës Politike (Gjenerata e 21-të) 17-19 Mars e hënë, 20 mars 20230

Seminari i I-rë i Shkollës Politike (Gjenerata e 21-të) 17-19 Mars

Shkolla e Politikës 2023 ka filluar me seminarin e parë për këtë gjeneratë!

Dita jonë e parë përbëhej nga leksione frymëzuese nga studiues të njohur në fushat e tyre si Dr. Gëzim Krasniqi (Universiteti i Edinburgut), Profesor Oliver Richmond (Universiteti i Mançesterit) dhe Dr. Ermal Hasimja (Shkolla 'Ernest Koliqi' Tirane).

Dita e dytë ishte po aq emocionuese, me një ligjëratë nga Prof. Enver Hasani (Universiteti i Prishtinës) mbi sistemet politike dhe sovranitetin.

Në ditën e fundit, seminarin tonë të parë e përmbyllëm me një bisedë fantastike nga z. Shpend Ahmeti për shtetndërtimin në dritën e dialogut Kosovë-Serbi.

Ky program mbështetet nga Këshilli i Evropës dhe Konrad-Adenauer-Stiftung Kosova.

Presim me padurim të ndajmë me ju së shpejti pjesët e tjera të programit!
RSS
123578910Last
Aktivitetet më të shikuara
 
Seminari i I-rë i Shkollës Politike (Gjenerata 23) - Përpjekjet e Kosovës për konsolidim drejt një shoqërie kohezive
Jon Krasniqi
/ Kategoria: Aktivitetet

Seminari i I-rë i Shkollës Politike (Gjenerata 23) - Përpjekjet e Kosovës për konsolidim drejt një shoqërie kohezive

Shkolla Politike (Gjenerata 23) ka nisur zyrtarisht programin me seminarin e parë këtë fundjavë!

Më datë 11-13 Prill, gjenerata e re e Shkollës Politike filloi rrugëtimin e tyre njëvjeçar, me shumë entuziazëm dhe përkushtim për të mësuar dhe kontribuar në shoqëri. 

Seminari nisi me prezantimin e programit të Shkollës Politike, ku patëm kënaqësinë të kishim të pranishëm znj. Mary Ann Hennessey nga Zyra e Këshillit të Evropës në Kosovë dhe z. Granit Tërnava nga Konrad-Adenauer-Stiftung Kosovo (KAS) – partnerë dhe mbështetës të rëndësishëm të këtij programi. 

Nën moderimin e z. Ramadan Ilazit, pjesëmarrësit u angazhuan në punë ekipore dhe diskutime rreth temës së Shtetit, Paqes dhe Konfliktit, duke eksploruar koncepte të thella përmes bashkëbisedimeve dinamike. 

Gjatë pasdites, znj. Marta Gazideda ndau njohuritë e saj mbi kohezionin social, duke analizuar rëndësinë, gjendjen aktuale dhe rolin e tij në shoqëritë e ndara – një diskutim që ngjalli reflektim tek pjesëmarrësit dhe bashkëbisedime konstruktive.

Pjesa e fundit e ditës u përmbyll me ligjëratën e z. Dukagjin Gorani me temën 'Pengesat ndaj kohezionit social në Kosovë dhe ndryshimet e nevojshme për të ndërtuar një shoqëri më të bashkuar'.

E shtuna nisi me një analizë historike të rrugës së Kosovës drejt shtetësisë, përmes një ligjërimi të detajuar nga z. Robert Muharremi. Diskutimi hapi perspektiva të reja mbi sfidat historike dhe progresin e bërë.

Pasditja vazhdoi me ligjëratën e z. Enver Hasani, ku në fokus ishin Kushtetuta, të drejtat e njeriut dhe të drejtat e pakicave. Diskutimi rreth demokracisë, shtetit të së drejtës dhe përfshirjes ofroi një pasqyrë të rëndësishme mbi sistemin politik të Kosovës. 

Dita e dytë u përmbyll me ligjëratën e z. Betim Zllanoga dhe z. Senad Sabovic mbi temën: Premtimi kushtetues i Kosovës – në të cilën u diskutua rreth sigurimit të të drejtave të njeriut dhe të pakicave, si dhe realitetin e zbatimit të tyre në Kosovë. 

Në ditën e tretë dhe të fundit, pjesëmarrësit patën mundësinë të punojnë në grupe dhe të diskutojnë rreth sfidave dhe rrugëve të mundshme për të ndërtuar një Kosovë gjithëpërfshirëse, nën moderimin e z. Ramadan Ilazi, i cili ju dha mundësinë pjesëmarrësve që të shprehin opinionet e tyre në forma të ndryshme se ku ndodhemi si shoqëri dhe si mund të ecim përpara. 

Energjia dhe përkushtimi i pjesëmarrësve ishte i dukshëm gjatë gjithë seminarit, ku pati diskutime të shumta, atmosferë pozitive dhe mundësi të vlefshme për rrjetëzim. Faleminderit të gjithë folësve, moderatorëve dhe pjesëmarrësve për kontributin në suksesin e këtij seminari! 

Falënderim i veçantë Këshillit të Evropës për mbështetjen e programit , si dhe Konrad Adenauer Stiftung Kosovo për mbështetjen e këtij seminari.

Previous Article Seminari i II-të i Shkollës Politike - Lidershipi dhe Komunikimi Politik
Next Article Ceremonia e diplomimit të gjeneratës së 22-të të Shkollës Politike
Print
1569 Rate this article:
No rating
Programet
  • Shkolla Politike
Viti i publikimit
  • 2025