Siguria e Ujit në Kosovë dhe Marrëveshja e Uashingtonit

Siguria e Ujit në Kosovë dhe Marrëveshja e Uashingtonit

6 shtator 2021

Shtator 2021

Sfidat që rrjedhin nga mungesa e koordinimit dhe normalizimit të marrëdhënieve politike me Serbinë e kanë tensionuar menaxhimin e Ujmanit dhe kanalit Ibër. Duke e pasur këtë parasysh, diskutimet e drejtuara nga SHBA-të në Shtëpinë e Bardhë më 4 shtator 2020 u përpoqën të trajtonin këtë çështje dhe në pikën shtatë të marrëveshjes u propozua një studim fizibiliteti që shikonte mundësitë e përdorimit të përbashkët të rrjedhës së ujit.

Ky shkrim përmbledhës synon të analizojë rastin e “Liqenit të Ujmanit” duke u fokusuar në bashkëpunimin rajonal dhe rëndësinë ekonomike. Për më tepër, ky shkrim përqendrohet në rëndësinë gjeopolitike të Liqenit të Ujmanit, Marrëveshjen e Uashingtonit dhe rekomandimet e dala nga kjo marrëveshje, rastet e ngjashme dhe precedentët ndërkombëtarë për menaxhimin e përbashkët të resurseve ujore, si dhe pasojat e marrëveshjes.
e hënë, 6 shtator 2021/Author: Anonym/Numri i shikimeve (7367)/Comments (0)/ Article rating: No rating
Kategoria: Publikimet
Etiketimet:
Sektori i energjisë në Kosovë: Bashkëpunimi rajonal dhe projektet e gazifikimit

Sektori i energjisë në Kosovë: Bashkëpunimi rajonal dhe projektet e gazifikimit

27 korrik 2021

Korrik 2021

Kosova është në një udhëkryq sa i përket sektorit të energjisë: "rritje ekonomike tani - zgjidhja e efekteve negative më vonë" apo "zhvillimi i qëndrueshëm".

Pjesë e zgjidhjes së qeverisë kosovare do të jenë edhe projektet e rëndësishme të gazifikimit të cilat priten të zhvillohen.

Publikimi jonë i fundit sqaron zhvillimit e infrastrukturës dhe projekteve të gazifikimit në Kosovë.
e martë, 27 korrik 2021/Author: Anonym/Numri i shikimeve (8562)/Comments (0)/ Article rating: No rating
Kategoria: Publikimet
Etiketimet:
Mendësia e qytetarëve rreth pyetjeve politike

Mendësia e qytetarëve rreth pyetjeve politike

19 korrik 2021

Qershor 2021

Anketa ‘Mendësia e Qytetarëve Rreth Pyetjeve Politike’ është botuar për herë të parë nga Instituti i Prishtinës për Studime Politike (PIPS), në bashkëpunim me Konrad Adenauer Stiftung (KAS), zyrja në Prishtinë.

Anketa synon që të nxjerrë rezultate kredibile që do t’u hyjnë në punë të përfshirëve brenda kësaj fushe, pra partitë politike, vendimmarrësit, politikbërësit, shkollarët, analistët dhe të tjerë që e shohin këtë pjesë studimi me interes.

Rezultatet e anketës janë ndarë në dy pjesë: Pikëvështrimet për relacionin e shtetit me ekonominë dhe liritë individuale, si dhe Pikëvështrimet për politikën dhe pjesëmarrjen.

e hënë, 19 korrik 2021/Author: Anonym/Numri i shikimeve (9701)/Comments (0)/ Article rating: No rating
Kategoria: Publikimet
Etiketimet:
Raport përmbledhës mbi reformën e administratës publike të Kosovës

Raport përmbledhës mbi reformën e administratës publike të Kosovës

29 qershor 2021

Qershor 2021

Për Kosovën si një shtet i ri, një administratë publike efikase dhe e përgjegjshme përbën një pjesë thelbësore të qeverisjes demokratike dhe funksionimit të shtetit. Reformimi dhe përmirësimi i funksionimit të administratës publike ka qenë një çështje kryesore në marrëdhëniet BE-Kosovë në vitet e fundit.

Ky raport përmbledhës synon të pasqyrojë dhe diskutojë situatën e reformave të administratës publike në Kosovë gjatë viteve të fundit, përmes përqendrimit në dokumentet dhe strategjitë që janë aprovuar gjatë kësaj periudhe. Për më tepër, raporti do të analizojë arritjet kryesore dhe nivelin e zbatimit të RAP-it deri më tani dhe do të sugjerojë rekomandime për qeverinë e re të Kosovës për t’u zbatuar, bazuar në sfidat kryesore që duhet të adresohen.

Ky raport është punuar në kuadër të projektit "Përmirësimi i llogaridhënies dhe transparencës për reforma", i zbatuar nga PIPS dhe Lëvizja FOL, dhe i mbështetur nga Ambasada e Mbretërisë së Holandës në Kosovë.
e martë, 29 qershor 2021/Author: Anonym/Numri i shikimeve (10544)/Comments (0)/ Article rating: No rating
Kategoria: Publikimet
Etiketimet:
Pronat e Paluajtshme në Kosovë – Hapja e tregut me BE-në

Pronat e Paluajtshme në Kosovë – Hapja e tregut me BE-në

31 maj 2021

Maj 2021

Në Kosovë aktualisht, të huajt mund të jenë pronar të paluajtshmërive vetëm nëse pronësinë e fitojnë përmes trashëgimisë. Marrë parasysh synimin e Kosovës për anëtarësim në Bashkim Evropian (BE), kjo gjendje është duke ndryshuar. Marrëveshja e Stabilizim-Asociimit (MSA) ndërmjet Kosovës dhe BE-së parasheh hapjen e tregut të pronave të paluajtshme të Kosovës për shtetasit dhe kompanitë e shteteve anëtare të BE-së.

Pavarësisht dispozitave të qarta të MSA-së në këtë drejtim, në praktikë hapja e tillë të tregut sfidohet në parim nga korniza ligjore aktuale në Kosovë për të drejtat pronësore dhe mënyra e zbatimit të saj. Hapja e tregut të paluajtshmërive, pa dyshim që ka potencial të ketë ndikim të caktuar në Kosovë. Në këtë studim pra analizohet korniza ligjore, sfidat dhe ndikimi i pritur, dhe jepen rekomandime.
e hënë, 31 maj 2021/Author: Anonym/Numri i shikimeve (9430)/Comments (0)/ Article rating: No rating
Kategoria: Publikimet
Etiketimet:
RSS
First567810121314Last
Publikimet e fundit
 
RAPORTI I TRETË MONITORUES: STRATEGJIA E ENERGJISË E REPUBLIKËS SË KOSOVËS 2022-2031 (PERIUDHA 2024) e martë, 25 shkurt 20250

RAPORTI I TRETË MONITORUES: STRATEGJIA E ENERGJISË E REPUBLIKËS SË KOSOVËS 2022-2031 (PERIUDHA 2024)

Strategjia e Energjisë e Republikës së Kosovës u miratua nga Kuvendi i Kosovës më 8 mars 2023.

Kjo Strategji synon të adresojë sfidat aktuale dhe të vendosë bazat për një të ardhme të sektorit energjetik që do të ofrojë siguri të furnizimit, energji të pastër, efiçiencë të energjisë dhe pjesëmarrje aktive të qytetarëve. Strategjia përfshin integrimin e sistemit elektroenergjetik të Kosovës në tregun rajonal dhe atë pan-Evropian, me theks të veçantë në përdorimin e burimeve të ripërtëritshme të energjisë (BRE) dhe bashkëpunimin e ngushtë me Republikën e Shqipërisë.

Republika e Kosovës ndodhet në një pikë kyçe në zhvillimin e sektorit të saj energjetik, udhëhequr nga Strategjia e Energjisë së Kosovës 2022-2031. Kjo strategji shërben si një kornize drejt një sistemi energjetik të qëndrueshëm, efikas dhe të besueshëm, që mbështet rritjen ekonomike të vendit dhe përmirëson mirëqenien e qytetarëve të saj. PIPS monitoron implementimin e Strategjisë së Energjisë, dhe ky raport është i treti me radhë. Raporti i monitorimit shërben si një mjet thelbësor, duke ofruar një vlerësim gjithëpërfshirës të progresit të zbatimit të strategjisë për vitin 2024 (duke përfshirë vitin 2023). Raporti synon të vlerësojë arritjet dhe të identifikojë sfidat gjatë këtyre viteve të implementimit të strategjisë.

Udhëzuesi për shërbimet digjitale komunale - Komuna e Suharekës e hënë, 3 shkurt 20250

Udhëzuesi për shërbimet digjitale komunale - Komuna e Suharekës

Instituti i Prishtinës për Studime Politike (PIPS), në bashkëpunim me Komunën e Suharekës, ka realizuar një manual praktik për përdorimin e shërbimeve digjitale në këtë komunë.

Ky udhëzues ofron informata të detajuara mbi mënyrën e përdorimit të platformave si eKosova dhe Ndreqe.com, të cilat janë identifikuar si shërbimet më të përdorura nga qytetarët, bazuar në një anketë të fundit. Anketa ka evidentuar sfidat që qytetarët hasin në përdorimin e faqes së komunës dhe ka reflektuar nivelin e kënaqësisë së tyre me shërbimet online, duke nxjerrë në pah edhe mënyrat e preferuara të informimit rreth tyre.

Ky projekt synon të rrisë transparencën dhe të fuqizojë zyrtarët publikë në përputhje me Reformën e Administratës Publike dhe si aktivitet të fundit, kishte krijimin e këtij manuali që adreson nevojat e qytetarëve dhe lehtëson qasjen e tyre në shërbime.

Manuali është prodhuar në kuadër të projektit “WeBER 3.0” për Reformën e Administratës Publike në Ballkanin Perëndimor. WeBER zbatohet nga Think for Europe Network (TEN) dhe Qendra për Kërkime në Administratën Publike (KDZ). PIPS është një nga përfituesit e WeBER 3.0 në kuadër të Local PAR Citizen Engagement Small Grant Facility 2024/2025. Projekti financohet nga Bashkimi Evropian dhe Agjencia Austriake për Zhvillim (ADA). Përmbajtja e këtij manuali reflekton pikëpamjet e autorëve dhe nuk pasqyron domosdoshmërisht ato të BE-së, ADA-s, TEN-it apo KDZ-së.

Dialogu i Prishtinës: Ballkani dhe Azia e Jugut e hënë, 20 janar 20250

Dialogu i Prishtinës: Ballkani dhe Azia e Jugut

Dialogu i Prishtinës: Ballkani dhe Azia e Jugut, e mbajtur më 25 nëntor 2024, në Prishtinë, shënoi një moment të rëndësishëm në rrugën e Kosovës drejt bashkëpunimit ndërrajonal. Ngjarja ofroi një platformë unike për të eksploruar sfidat dhe mundësitë e përbashkëta të Kosovës dhe Azisë Jugore (Bangladesh, Indi, Nepal, Pakistan dhe Shri Lanka) ndërmjet këtyre rajoneve të ndryshme.

Ky dokument i shkurtër përmbledh të gjeturat kryesore nga ky aktivitet, të organizuara rreth tre shtyllave kryesore: qeverisja demokratike, diplomacia ekonomike dhe roli i aktorëve jo-shtetërorë në nxitjen e bashkëpunimit. Dokumenti ofron rekomandime praktike për politikëbërësit dhe akterët e tjerë të përfshirë, me synim forcimin e marrëdhënieve ndërrajonale dhe pozicionimin e Kosovës si një akter aktiv në arenën ndërkombëtare.

Dixhitalizimi në Suharekë - Gjetjet nga anketa e mërkurë, 2 tetor 20240

Dixhitalizimi në Suharekë - Gjetjet nga anketa

Me qëllim rritjen e transparencës dhe fuqizimin e zyrtarëve lokalë në përputhje me Reformën e Administratës Publike, përmes anketës së fundit kemi identifikuar sfidat që qytetarët hasin në përdorimin e uebsajtit të komunës. Anketa gjithashtu reflekton nivelin e kënaqësisë së qytetarëve me shërbimet online dhe mënyrat se si do të preferonin të informoheshin për këto shërbime.

Meqenësë projekti synon të rrisë transparencën dhe të fuqizojë zyrtarët në përputhje me Reformën e Administratës Publike duke krijuar një manual për përdorimin e uebsajtit që adreson nevojat e qytetarëve dhe përmirëson qasjen në shërbime, përmes pyetësorit të realizuar, ne kemi arritur të identfikojmë problemet e qytetarëve në përdorimin e website-it të komunës së Suharekës.

Prodhuar në kuadër të projektit “WeBER 3.0” për Reformën e Administratës Publike të Ballkanit Perëndimor. WeBER zbatohet nga Think of Europe Network – TEN dhe Qendra për Kërkime në Administratën Publike – KDZ. PIPS është një nga përfituesit e WeBER 3.0 brenda Local PAR Citizen Engagement Small Grant Facility 2024/2025.

 

 

RSS