e mërkurë, 15 korrik 20260

Tryeza dhe prezantimi i publikimit 'Raportimi i përgjegjshëm mbi ballafaqimin me të kaluarën dhe sfidat e medias në Kosovë'

PIPS organizoi një tryezë diskutimi ku u prezantua publikimi mbi raportimin e përgjegjshëm të medias dhe përballjen me të kaluarën në Kosovë.

Gjatë tryezës, Besian Beha prezantoi gjetjet dhe rekomandimet kryesore të Policy Brief-it, duke vënë në pah rëndësinë e raportimit profesional dhe të përgjegjshëm në trajtimin e çështjeve që lidhen me të kaluarën, drejtësinë tranzicionale dhe proceset e pajtimit në Kosovë. Prezantimi hapi diskutimin mbi mënyrën se si mediat ndikojnë në formësimin e narrativave publike, perceptimin e së kaluarës dhe debatin shoqëror rreth drejtësisë dhe llogaridhënies.

Profesionistë dhe përfaqësues të mediave ndanë komentet dhe përvojat e tyre profesionale, duke reflektuar mbi sfidat me të cilat përballen gazetarët gjatë raportimit për tema të ndjeshme, përfshirë përdorimin e gjuhës, verifikimin e informacionit, trajtimin e viktimave dhe kujdesin ndaj narrativave që mund të thellojnë ndarjet shoqërore. Diskutimi gjithashtu trajtoi mundësitë për forcimin e praktikave të raportimit që kontribuojnë në informimin e publikut dhe në një qasje më të kujdesshme ndaj proceseve të përballjes me të kaluarën.

e hënë, 13 korrik 20260

Seminari III i Shkollës Politike: Paqja, Diplomacia dhe Siguria (Gjenerata 24)

Instituti i Prishtinës për Studime Politike (PIPS) organizoi Seminarin III të Shkollës Politike gjatë datave 3-5 korrik, kushtuar temës “Paqja, Diplomacia dhe Siguria”, me fokus të veçantë në pozitën e Kosovës në një rend botëror dhe mjedis gjeopolitik në ndryshim.

Gjatë tri ditëve, pjesëmarrësit patën mundësi të diskutojnë zhvillimet aktuale në politikën e jashtme të Kosovës, procesin e njohjes ndërkombëtare, integrimin euro-atlantik, dinamikat e sigurisë në Ballkanin Perëndimor, si dhe mënyrat e reagimit institucional ndaj situatave të krizës.

e hënë, 22 qershor 20260

Seminari Rajonal për Drejtësi Tranzicionale/Regional Seminar on Transitional Justice/Regionalni seminar o tranzicionoj pravdi

PIPS mbajti Seminarin Rajonal mbi Drejtësinë Tranzicionale "Nga Ballafaqimi me të Kaluarën te Formësimi i së Ardhmes", duke bashkuar të rinjë nga shoqëria civile, profesionistë të medias, akademikë nga Kosova, Serbia, Bosnja dhe Hercegovina dhe Kroacia për dy ditë dialogu rajonal.

Gjatë seminarit, pjesëmarrësit eksploruan disa nga çështjet më urgjente me të cilat përballet Ballkani Perëndimor sot: si përballen shoqëritë me narrativat konkurruese të së kaluarës, si ndiqet llogaridhënia në mjedise të polarizuara politikisht, si proceset e personave të zhdukur mund të çojnë përpara të vërtetën dhe drejtësinë, dhe si të rinjtë, media e pavarur dhe perspektivat gjinore po formësojnë të ardhmen e kujtesës dhe pajtimit.

Përmes dialogut të hapur, seminari krijoi hapësirë për pjesëmarrësit për të sfiduar supozimet, për të ndarë përvoja rajonale dhe për të ndërtuar një rrjet rajonal më të fortë të përkushtuar për t'u përballur me të kaluarën.

Jemi mirënjohës ndaj ekspertëve, partnerit dhe pjesëmarrësve tanë për dy ditë bisedash kuptimplote dhe të nevojshme.

Ky aktivitet u mundësua me mbështetjen e projektit rajonal "Mbështetje e BE-së për Ndërtimin e Besimit në Ballkanin Perëndimor," i financuar nga Bashkimi Evropian (BE) dhe i zbatuar nga Programi i Kombeve të Bashkuara për Zhvillim (UNDP).

--

PIPS held the Regional Seminar on Transitional Justice "From Dealing with the Past to Shaping the Future", bringing together young political and civic leaders, media professionals, academics and civil society representatives from Kosovo, Serbia, Bosnia and Herzegovina, and Croatia for two days of regional dialogue.

Over the course of the seminar, participants explored some of the most pressing questions facing the Western Balkans today: how societies confront competing narratives of the past, how accountability is pursued in politically polarized environments, how missing persons processes can advance truth and justice, and how youth, independent media and gender perspectives are shaping the future of memory and reconciliation.

Through open dialogue and critical exchange, the seminar created space for participants to challenge assumptions, share regional experiences, and build a stronger regional network committed to dealing with the past.

We are grateful to the experts from Kosovo and across the region who led these sessions with insight and courage and to our partner and participants for two days of meaningful and necessary conversations.

The activity is made possible with the assistance of the regional project EU Support to Confidence Building in the Western Balkans, which is funded by the European Union (EU) and implemented by the United Nations Development Programme (UNDP).

e martë, 2 qershor 20260

Seminari II i Shkollës Politike: Politikat Publike, Sundimi i Ligjit dhe Zhvillimi i Qëndrueshëm

PIPS mbajti Seminarin II të Shkollës Politike me 29-31 maj në Brezovicë, me fokus në Politikat Publike, Sundimin e Ligjit dhe Zhvillimin e Qëndrueshëm. Gjatë tri ditëve të seminarit, pjesëmarrësit u angazhuan në diskutime, analiza dhe ushtrime praktike mbi sfidat e hartimit dhe zbatimit të politikave publike në Kosovë.

Sesione të ndryshme trajtuan kapacitetin shtetëror, llogaridhënien institucionale, zhvillimin e qëndrueshëm, politikat energjetike, integrimin evropian dhe qeverisjen digjitale në epokën e inteligjencës artificiale. Përmes kontributit të ekspertëve nga fusha akademike, institucionet publike, shoqëria civile dhe sektori i politikave publike, pjesëmarrësit reflektuan mbi mënyrat se si reformat mund të përkthehen në politika të zbatueshme dhe të qëndrueshme.

Seminari u përmbyll me reflektime mbi rolin e lidershipit, reformave dhe inovacionit në forcimin e qeverisjes demokratike në Kosovë.

Shkolla Politike mbështetet nga Këshilli i Evropës, Demo Finland dhe Konrad Adenauer Stiftung Kosovo.

e martë, 21 prill 20260

Seminari i parë i Shkollës Politike – Kosova, Demokracia, dhe Shtetësia në një rend gjeopolitik në ndryshim - Përmbledhje e tre ditëve

U përmbyll me sukses seminari i parë i Shkollës Politike, i fokusuar në Kosovën, demokracinë dhe shtetësinë në një rend gjeopolitik në ndryshim.

Dita 1 vendosi bazat e diskutimit duke trajtuar kontekstin global dhe rajonal, nga ndryshimet në rendin botëror dhe implikimet për Ballkanin Perëndimor dhe Kosovën, te roli i marrëdhënieve transatlantike dhe presionet në rritje ndaj demokracisë, përfshirë populizmin dhe polarizimin politik.

Dita 2 u fokusua në rrugëtimin e Kosovës, nga shtetndërtimi deri te sfidat aktuale demokratike. Diskutimet trajtuan performancën e institucioneve, besimin publik dhe rreziqet që polarizimi politik paraqet për dialogun demokratik dhe kohezionin shoqëror.

Dita 3 e orientoi diskutimin drejt së ardhmes, duke trajtuar të drejtat e njeriut dhe të minoriteteve si shtyllë të shtetësisë dhe integrimit evropian, si dhe rolin e mekanizmave kushtetues në ruajtjen e stabilitetit institucional dhe forcimin e qëndrueshmërisë demokratike.

Falënderim i veçantë për kontribuesit dhe ligjëruesit tanë, Dr. Gëzim Visoka, z. Agon Maliqi, z. Adri Nurellari, Dr. Ramadan Ilazi, znj. MaryAnne Hennessey, z. Miodrag Milicevic dhe znj. Gresa Caka Nimani, si dhe për të gjithë partnerët dhe pjesëmarrësit për këtë fundjavë të vlefshme diskutimesh.

Shkolla Politike mbështetet nga Këshilli i Evropës, Demo Finland, dhe Konrad-Adenauer Stiftung Kosovo.

RSS

1 2 3 4 5 6 7 8 9 10 Next Last

Aktivitetet më të shikuara

Lansimi i publikimit "Rishikim kritik i organizimit dhe zbatimit të politikës së jashtme të Republikës së Kosovës"

Diona Kusari / e mërkurë, 1 gusht 2018

/ Kategoria: Aktivitetet

Lansimi i publikimit "Rishikim kritik i organizimit dhe zbatimit të politikës së jashtme të Republikës së Kosovës"

Me datën 1 Gusht, Instituti i Prishtinës për Studime Politike lansoi publikimin "Rishikim kritik i organizimit dhe zbatimit të politikës së jashtme të Republikës së Kosovës". Ky raport, bazuar në të dhëna të mbledhura brenda një periudhe të konsiderueshme kohore, diskuton për funksionimin e Ministrisë së Punëve të Jashtme në veçanti dhe politikës së jashtme në përgjithësi, duke prekur aspektet legjislative por edhe praktike. Sa i përket gjetjeve, raporti identifikon nevojën për të intervenim në organogramit dhe funksionimin e MPJ-së. Në raport me ristrukturimin e brendshëm të MPJ raporti bën thirrje dhe propozon një mënyrë të re të funksionimit të departamenteve tematike, duke i rindarë, bashkuar dhe shkrirë ato ku është e nevojshme; duke ua shtuar nëndivizionet; duke e shtuar numrin e Drejtorëve të Përgjithshëm në dy apo më tepër. Në disa prej rekomandimeve kyçe, në raport me zbatimin e politikës së jashtme, raporti bën thirrje të intensifikohet puna në: 1. Mirëmbajtjen e raporteve me shtetet që kanë njohur Kosovën, duke ndërtuar një qasje sistematike dhe strategjike të mirëmbajtjes së komunikimit, me këto shtete, si një aspekt i rëndësisë së veçantë. Aktualisht në MPJ në kuadër të strukturës institucionale nuk ka departamente të fokusuara në rajone të caktuara të botës dhe as Desk Officers për mbulimin e rajoneve/shteteve të ndryshme. 2. Shfrytëzimin e mundësive në kuadër të Titullit II të MSA-së për Dialog Politik. Titulli II i MSA thekson se vendoset dialogu politik ndërmjet Kosovës dhe BE-së i cili ka për qëllim, në mes të tjerash, edhe të promovojë “Pjesëmarrjen e Kosovës në komunitetin ndërkombëtar demokratik, nëse e lejojnë rrethanat objektive”. MPJ do të duhej të synojë të institucionalizojë dialogun në kuadër të titullit II dhe të kërkojë vazhdimisht, në formë zyrtare, përkrahje nga BE për përpjekjet për integrimin e Kosovës. 3. Raportet me Bosnje Hercegovinën (BiH). Kosova duhet ta vendosë në tavolinë njohjen nga Bosnja dhe Hercegovina si një derivat i zotimeve të vendeve të Evropës Juglindore për paqe, stabilitet dhe zgjidhje të konflikteve të hapura. Në këtë kuadër Kosova duhet të kërkojë Bashkimi Evropian të kushtëzoj BiH me normalizim të marrëdhënieve me Kosovën në kuadër të procesit të integrimit evropian. Raporti gjithashtu trajton disa sfida të brendshme dhe të jashtme me të cilat politika e jashtme kosovare përballet duke përfshirë: brishtësinë e legjitimitetit ndërkombëtar, imazhin e Kosovës dhe reputacionin e liderëve politikë, politizimin dhe partizimin e shërbimit diplomatik dhe koordinimin ndërinstitucional. Versioni anglisht i publikimit është në përfundim e sipër dhe do të publikohet së shpejti. Eventi u organizua në kuadër të projektit “Përmirësimi i Praktikave Demokratike dhe Kualitetit të Vendimmarrjes në Politikën e Jashtme Kosovare” që financohet nga skema Democratic Society Promotion - DSP e menaxhuar nga Kosovar Civil Society Foundation - KCSF, e financuar nga Agjencioni Zvicrran për Zhvillim dhe Bashkëpunim dhe Ministria e Jashtme e Danimarkës.

Print

42344 Rate this article:

No rating

Programet	Politika e jashtme
Viti i publikimit	2018

Aktivitetet tjera