Shkolla Politike e Prishtinës në Forumin Botëror për Demokraci 2026 në Strasburg e premte, 6 nëntor 20260

Shkolla Politike e Prishtinës në Forumin Botëror për Demokraci 2026 në Strasburg

Pjesëmarrësit e Gjeneratës së 24-të të Shkollës Politike morën pjesë në Forumin Botëror për Demokraci të Këshillit të Evropës, duke u bërë pjesë e diskutimeve ndërkombëtare mbi të ardhmen e demokracisë, sigurinë demokratike dhe sfidat me të cilat përballen shoqëritë bashkëkohore.

Instituti i Prishtinës për Studime Politike (PIPS), së bashku me pjesëmarrësit e Gjeneratës së 24-të të Shkollës Politike, qëndroi në Strasburg të Francës nga 1 deri më 5 nëntor 2026, në kuadër të vizitës së organizuar për pjesëmarrje në Forumin Botëror për Demokraci dhe aktivitetet e Rrjetit të Shkollave Politike të Këshillit të Evropës.

Forumi Botëror për Demokraci, i cili u mbajt më 2 dhe 3 nëntor në ambientet e Këshillit të Evropës, këtë vit u organizua nën temën “Përçarje apo ripërtëritje? Siguria demokratike për të ardhmen” (Rupture or renewal? Democratic security for the future). Edicioni i 14-të i Forumit mblodhi përfaqësues të institucioneve politike, organizatave të shoqërisë civile, akademisë, mediave dhe të rinj nga vende të ndryshme, për të diskutuar mbi gjendjen e demokracisë dhe mundësitë për forcimin e saj përballë zhvillimeve dhe sfidave të reja.

Takim ndërpartiak me asambleistë komunalë: Hapësirat publike në Prishtinë e premte, 30 tetor 20260

Takim ndërpartiak me asambleistë komunalë: Hapësirat publike në Prishtinë

Gjatë ditës së djeshme, PIPS organizoi një takim ndërpartiak me asambleistë komunalë, të fokusuar në gjendjen aktuale të hapësirave publike në Prishtinë, sfidat në menaxhimin dhe mirëmbajtjen e tyre, si dhe mundësitë për përmirësim.

Në kuadër të takimit, z. Agron Demi, Drejtor Ekzekutiv i Atlas Institute, dhe z. Leutrim Retkoceri, Drejtor i Drejtorisë së Shërbimeve Publike, Mbrojtjes dhe Shpëtimit, diskutuan mbi sfidat kryesore dhe përgjegjësitë e institucioneve lokale në adresimin e tyre.

Diskutimi me pjesëmarrësit u përqendrua në rolin e asambleistëve, përfshirjen e qytetarëve dhe identifikimin e veprimeve konkrete për përmirësimin e hapësirave publike përmes bashkëpunimit ndërpartiak.

Takim ndërpartiak me të rinjtë e partive politike: Parandalimi i abuzimit me substancat narkotike te të rinjtë - 20 tetor e martë, 20 tetor 20260

Takim ndërpartiak me të rinjtë e partive politike: Parandalimi i abuzimit me substancat narkotike te të rinjtë - 20 tetor

PIPS zhvilloi sot një takim me të rinjtë e partive politike, të fokusuar në gjendjen aktuale të përdorimit dhe abuzimit me substanca narkotike te të rinjtë, si dhe në mundësitë për parandalimin dhe adresimin e kësaj dukurie.

Në kuadër të takimit, z. Safet Blakaj, Drejtor Ekzekutiv i Qendrës “Labyrinth”, mbajti një prezantim mbi shkaqet dhe pasojat e përdorimit të substancave narkotike, si dhe sfidat kryesore në parandalimin dhe trajtimin e këtij problemi.

Diskutimi me pjesëmarrësit u përqendrua në mundësitë e mbështetjes për të rinjtë që kanë nevojë për ndihmë, rolin e institucioneve dhe organizatave përkatëse, si dhe kontributin që mund të japin të rinjtë e angazhuar politikisht në parandalimin e kësaj dukurie.

Vëmendje e veçantë iu kushtua identifikimit të hapave konkretë për bashkëpunim dhe formulimit të rekomandimeve për adresimin e këtij problemi.

Instituti i Prishtines për Studime Politike (PIPS) është krenar të mbështet European Frontline Democracies Network e mërkurë, 14 tetor 20260

Instituti i Prishtines për Studime Politike (PIPS) është krenar të mbështet European Frontline Democracies Network

Instituti i Prishtines për Studime Politike (PIPS) është krenar të mbështet European Frontline Democracies Network, një iniciativë e përbashkët e zhvilluar në bashkëpunim me Fondacionin Forum 2000.

Iniciativa synon të forcojë bashkëpunimin dhe të ndërtojë lidhje të qëndrueshme midis aktorëve të shoqërisë civile nga Ballkani Perëndimor dhe vendet e Evropës Lindore që aspirojnë të bashkohen me Bashkimin Evropian, duke përfshirë Ukrainën, Moldavinë, Armeninë, Gjeorgjinë, Azerbajxhanin dhe Bjellorusinë. Duke lidhur aktorët demokratikë që përballen me presion autoritar, rrjeti kërkon të nxisë solidaritetin, të shkëmbejë përvoja dhe të forcojë qëndrueshmërinë demokratike në të gjithë rajonin.

Përmes kësaj iniciative, PIPS vazhdon angazhimin e saj për të promovuar vlerat demokratike, bashkëpunimin rajonal dhe dialogun përtej kufijve.

European Frontline Democracies Network mbështetet nga Fondi i Vëllezërve Rockefeller dhe Qendra Pocantico dhe Fondi Kombëtar për Demokraci.

Seminari i V-të i Shkollës Politike: Partitë Politike, Lidershipi i Përgjegjshëm dhe Pjesëmarrja Demokratike (9-11 tetor) e hënë, 12 tetor 20260

Seminari i V-të i Shkollës Politike: Partitë Politike, Lidershipi i Përgjegjshëm dhe Pjesëmarrja Demokratike (9-11 tetor)

 

A mund të ketë demokraci të fortë pa parti politike që gëzojnë besimin e qytetarëve dhe pa liderë që mbajnë përgjegjësi ndaj tyre?

Kjo pyetje ishte në qendër të Seminarit V të Shkollës Politike, ku gjatë dy ditëve të diskutimeve trajtuam rolin e partive politike, rëndësinë e lidershipit të përgjegjshëm dhe sfidat e pjesëmarrjes demokratike në Kosovë. Një vëmendje të veçantë ia kushtuam edhe përfaqësimit dhe lidershipit të grave në politikë.

Në përmbyllje, iu kthyem historisë së Kosovës gjatë viteve '90, duke reflektuar mbi kulturën politike të rezistencës, ndërtimin e institucioneve të pavarura dhe rolin e solidaritetit qytetar në krijimin e besimit dhe organizimit politik.

Me këto diskutime, përmbyllëm Seminarin V me temën Partitë Politike, Lidershipi i Përgjegjshëm dhe Pjesëmarrja Demokratike, duke reflektuar mbi mënyrat se si partitë, liderët dhe qytetarët mund të kontribuojnë në një demokraci më përfaqësuese, gjithëpërfshirëse dhe llogaridhënëse.

Programi i Shkollës Politike mbështetet nga Këshilli i Evropës dhe Demo Finland.

--

Can democracy be strong without political parties that earn citizens' trust and leaders who are accountable to them?

This question was at the heart of Seminar V of the School of Politics, where two days of discussions focused on the role of political parties, the importance of responsible leadership, and the challenges of democratic participation in Kosovo. We also dedicated particular attention to women's representation and leadership in politics.

In our closing session, we reflected on Kosovo's history during the 1990s, exploring the political culture of resistance, the establishment of independent institutions, and the role of civic solidarity in building trust and political organization.

With these discussions, we concluded Seminar V on Political Parties, Responsible Leadership, and Democratic Participation, reflecting on how political parties, leaders, and citizens can contribute to a more representative, inclusive, and accountable democracy.

The School of Politics programme is supported by the Council of Europe and Demo Finland.

RSS
1345678910Last
Aktivitetet më të shikuara
 
DEKLARATA E REYKJAVÍK-ut 'Të bashkuar rreth vlerave tona' (SAMITI I REYKJAVÍK-ut - KËSHILLI I EVROPËS)
Diona Kusari
/ Kategoria: Aktivitetet

DEKLARATA E REYKJAVÍK-ut 'Të bashkuar rreth vlerave tona' (SAMITI I REYKJAVÍK-ut - KËSHILLI I EVROPËS)

Në Samitin e Këshillit të Evropës në Reykjavik, Islandë, krerët e shteteve dhe qeverive të 46 vendeve anëtare të organizatës vendoswn të krijojnë një Regjistwr të Dëmeve të shkaktuara nga agresioni i Federatës Ruse në Ukrainë si hapi i parë drejt një mekanizmi ndërkombëtar kompensimi.
Udhëheqësit ranë dakord të forcojnë Këshillin e Evropës dhe punën e tij në fushën e të drejtave të njeriut, demokracisë dhe sundimit të ligjit duke miratuar një deklaratë mbi parimet e demokracisë, duke u zotuar sërish ndaj Konventës Evropiane për të Drejtat e Njeriut dhe duke zhvilluar mjete për të trajtuar sfidat e reja në fushën e teknologjisë dhe mjedisit.

Marrëveshja për Regjistrin e Dëmeve për Ukrainën

Shtetet anëtare të Këshillit të Evropës, si dhe disa vende joanëtare, duke përfshirë Kanadanë, Japoninë dhe Shtetet e Bashkuara, dhe Bashkimin Evropian (*) ranë dakord të krijojnë një Regjistër të Dëmeve të shkaktuara nga lufta e agresionit të Rusisë kundër Ukrainës. I konsideruar si komponenti i parë i një mekanizmi kompensimi të ardhshëm, Regjistri do të shërbejë si një regjistër i provave dhe informacionit të pretendimeve për dëmin, humbjen ose dëmtimin e shkaktuar që nga 24 shkurt 2022 për të gjithë personat fizikë dhe juridikë të prekur, si dhe për Shtetin e Ukrainës. Krerët e shteteve dhe qeverive shprehën gatishmërinë e tyre për t'u angazhuar në iniciativa ndërkombëtare për zhvillimin e mëtejshëm të një mekanizmi të tillë, i cili mund të përfshijë një komision kërkesash dhe fond kompensimi, duke theksuar detyrimin e Federatës Ruse për të paguar dëmin e shkaktuar nga agresioni i saj.

Udhëheqësit mirëpritën gjithashtu përparimin drejt krijimit të një gjykate speciale për krimet e agresionit dhe ofruan mbështetjen e Këshillit të Evropës për këtë proces. Ata i bënë thirrje Federatës Ruse që menjëherë të lirojë të gjithë civilët e transferuar me forcë ose të dëbuar në mënyrë të paligjshme në territorin e saj ose në zonat e kontrolluara ose të pushtuara përkohësisht, veçanërisht fëmijët. Federata Ruse duhet të përmbushë detyrimet e saj ndërkombëtare dhe të tërheqë forcat e saj nga Ukraina, Gjeorgjia dhe Republika e Moldavisë. Përpjekjet për rindërtim të Ukrainës do të mbështeten përmes planit të veprimit të Këshillit për Ukrainën “Rezistenca, Rimëkëmbja dhe Rindërtimi” dhe Banka e Zhvillimit të Këshillit të Evropës.

Deklaratë për situatën e fëmijëve të Ukrainës

Shtetet anëtare miratuan një Deklaratë kushtuar situatës së fëmijëve, duke bërë thirrje për mbështetje për autoritetet ukrainase për të siguruar kthimin e menjëhershëm të fëmijëve të transferuar dhe deportuar në mënyrë të paligjshme nga forcat ruse. Të gjithë autorët e krimeve të tilla të kryera ndaj fëmijëve duhet të sillen para drejtësisë. Ndihma duhet t'u ofrohet gjithashtu vendeve anëtare që presin përkohësisht fëmijë ukrainas.

Parimet e Rejkjavikut për Demokraci

Duke reaguar ndaj tkurrjes sw demokracisw, udhëheqësit e Këshillit të Evropës miratuan "Parimet e Rejkjavikut për Demokracinë", një sërë parimesh që duhen respektuar nga shtetet demokratike, si liria e shprehjes, grumbullimi dhe shoqërimi, institucionet e pavarura, gjyqësori i paanshëm dhe efektiv, lufta kundër korrupsionin dhe pjesëmarrjen demokratike të shoqërisë civile dhe të të rinjve.

Riangazhimi për Sistemin e Konventës si gur themeli i mbrojtjes së të drejtave të njeriut nga Këshilli i Evropës

Udhëheqësit e 46 vendeve anëtare riafirmuan angazhimin e tyre të thellë dhe të qëndrueshëm ndaj Konventës Evropiane për të Drejtat e Njeriut, angazhimin e tyre të palëkundur ndaj sistemit të Konventës si një mekanizëm për të promovuar paqen dhe stabilitetin në Evropë dhe detyrimin e tyre të pakushtëzuar për t'iu përmbajtur vendimeve përfundimtare të Gjykata.

Këshilli i Evropës dhe mjedisi

Për sa i përket mjedisit, liderët pohuan se të drejtat e njeriut dhe mjedisi janë të ndërthurura dhe se një mjedis i pastër, i shëndetshëm dhe i qëndrueshëm është çelësi për gëzimin e plotë të të drejtave të njeriut. Puna e Këshillit të Evropës në këtë fushë duhet të bazohet në njohjen politike të së drejtës për një mjedis të pastër, të shëndetshëm dhe të qëndrueshëm si një e drejtë e njeriut dhe në praktikën gjyqësore të gjerë të zhvilluar nga Gjykata Evropiane e të Drejtave të Njeriut.

Sfida të tjera të mëdha

Së fundi, Samiti miratoi një sërë prioritetesh të tjera të Këshillit të Evropës: Rëndësia e aderimit të Bashkimit Evropian në Konventën Evropiane për të Drejtat e Njeriut; standarde të reja për të mbrojtur të drejtat e njeriut në epokën dixhitale online dhe offline, veçanërisht në lidhje me inteligjencën artificiale; promovimi i të drejtave sociale në Evropë përmes Kartës Sociale; bashkëpunimi i vazhdueshëm me forcat opozitare demokratike bjelloruse, si dhe me mbrojtësit e të drejtave të njeriut bjelloruse dhe rusë, median e lirë dhe shoqërinë e pavarur civile.

(*) Dyzet e një vende i janë bashkuar Marrëveshjes së Pjesshme të Zgjeruar për Regjistrin e krijuar brenda Këshillit të Evropës: Shqipëria, Austria, Belgjika, Kroacia, Qipro, Republika Çeke, Danimarka, Estonia, Finlanda, Franca, Gjeorgjia, Gjermania, Greqia, Islanda, Irlanda, Italia, Letonia, Lihtenshtajni, Lituania, Luksemburgu, Malta, Republika e Moldavisë, Monako, Mali i Zi, Holanda, Maqedonia e Veriut, Norvegjia, Polonia, Portugalia, Rumania, San Marino, Republika Sllovake, Sllovenia, Spanja, Suedia, Ukraina dhe Mbretëria e Bashkuar; si dhe Kanadaja, Japonia, Meksika dhe SHBA. Bashkimi Evropian është anëtarësuar gjithashtu, ndërsa tre vende të tjera (Andorra, Bullgaria dhe Zvicra) kanë shprehur synimin e tyre për t'u anëtarësuar.

Lexo deklaratën e plotë këtu: https://rm.coe.int/4th-summit-of-heads-of-state-and-government-of-the-council-of-europe/1680ab40c1
Previous Article Seminari i I-rë i Shkollës Politike (Gjenerata e 21-të) 17-19 Mars
Next Article Të Drejtat për Komunitetet Rurale
Print
34596 Rate this article:
No rating
Programet
  • Integrimi evropian
Viti i publikimit
  • 2023