Vjetari i Politikës së Jashtme (2024-25)

Shtator 2025

Jon Krasniqi 0 655 Article rating: No rating

Vjetari i Politikës së Jashtme të Kosovës 2024–2025 pasqyron zhvillimet kryesore në marrëdhëniet bilaterale, përpjekjet për njohje të reja diplomatike, avancimin në proceset e integrimit euroatlantik dhe sfidat e vazhdueshme në dialogun me Serbinë, gjatë periudhës së raportimit 1 Janar 2024, deri më 15 mars 2025. 

Dokumenti sjell një panoramë të plotë të veprimeve të Ministrisë së Punëve të Jashtme dhe Diasporës, duke përfshirë reformat e brendshme, angazhimin me diasporën dhe nismat për diplomaci ekonomike e kulturore. Përmes analizës së partneriteteve me vende të rajonit, Evropës, SHBA-së dhe më gjerë, raporti synon të ofrojë një pasqyrë të qartë mbi arritjet dhe pengesat e Kosovës në skenën ndërkombëtare gjatë kësaj periudhe.

RAPORTI I KATËRT MONITORUES: STRATEGJIA E ENERGJISË E REPUBLIKËS SË KOSOVËS 2022-2031 (PERIUDHA 2024)

Maj 2025

Jon Krasniqi 0 2093 Article rating: No rating

Instituti i Prishtinës për Studime Politike ka publikuar Raportin e Katërt Monitorues: Strategjia e Energjisë e Republikës së Kosovës 2022-2031, për periudhën 2025 (duke përfshirë edhe masat e paplotësuara të viteve paraprake). Raporti është bërë në kuadër të projektit ‘Rritja e llogaridhënies publike në procesin e integrimit evropian’, në bashkëpunim me Lëvizja FOL, i mbështëtur nga programi MATRA, i cili financohet nga Ambasada e Mbretërisë së Holandës në Kosovë.

RAPORTI I TRETË MONITORUES: STRATEGJIA E ENERGJISË E REPUBLIKËS SË KOSOVËS 2022-2031 (PERIUDHA 2024)

Shkurt 2025

Jon Krasniqi 0 3604 Article rating: No rating

Strategjia e Energjisë e Republikës së Kosovës u miratua nga Kuvendi i Kosovës më 8 mars 2023.

Kjo Strategji synon të adresojë sfidat aktuale dhe të vendosë bazat për një të ardhme të sektorit energjetik që do të ofrojë siguri të furnizimit, energji të pastër, efiçiencë të energjisë dhe pjesëmarrje aktive të qytetarëve. Strategjia përfshin integrimin e sistemit elektroenergjetik të Kosovës në tregun rajonal dhe atë pan-Evropian, me theks të veçantë në përdorimin e burimeve të ripërtëritshme të energjisë (BRE) dhe bashkëpunimin e ngushtë me Republikën e Shqipërisë.

Republika e Kosovës ndodhet në një pikë kyçe në zhvillimin e sektorit të saj energjetik, udhëhequr nga Strategjia e Energjisë së Kosovës 2022-2031. Kjo strategji shërben si një kornize drejt një sistemi energjetik të qëndrueshëm, efikas dhe të besueshëm, që mbështet rritjen ekonomike të vendit dhe përmirëson mirëqenien e qytetarëve të saj. PIPS monitoron implementimin e Strategjisë së Energjisë, dhe ky raport është i treti me radhë. Raporti i monitorimit shërben si një mjet thelbësor, duke ofruar një vlerësim gjithëpërfshirës të progresit të zbatimit të strategjisë për vitin 2024 (duke përfshirë vitin 2023). Raporti synon të vlerësojë arritjet dhe të identifikojë sfidat gjatë këtyre viteve të implementimit të strategjisë.

Udhëzuesi për shërbimet digjitale komunale - Komuna e Suharekës

Janar 2025

Jon Krasniqi 0 2882 Article rating: No rating

Instituti i Prishtinës për Studime Politike (PIPS), në bashkëpunim me Komunën e Suharekës, ka realizuar një manual praktik për përdorimin e shërbimeve digjitale në këtë komunë.

Ky udhëzues ofron informata të detajuara mbi mënyrën e përdorimit të platformave si eKosova dhe Ndreqe.com, të cilat janë identifikuar si shërbimet më të përdorura nga qytetarët, bazuar në një anketë të fundit. Anketa ka evidentuar sfidat që qytetarët hasin në përdorimin e faqes së komunës dhe ka reflektuar nivelin e kënaqësisë së tyre me shërbimet online, duke nxjerrë në pah edhe mënyrat e preferuara të informimit rreth tyre.

Ky projekt synon të rrisë transparencën dhe të fuqizojë zyrtarët publikë në përputhje me Reformën e Administratës Publike dhe si aktivitet të fundit, kishte krijimin e këtij manuali që adreson nevojat e qytetarëve dhe lehtëson qasjen e tyre në shërbime.

Manuali është prodhuar në kuadër të projektit “WeBER 3.0” për Reformën e Administratës Publike në Ballkanin Perëndimor. WeBER zbatohet nga Think for Europe Network (TEN) dhe Qendra për Kërkime në Administratën Publike (KDZ). PIPS është një nga përfituesit e WeBER 3.0 në kuadër të Local PAR Citizen Engagement Small Grant Facility 2024/2025. Projekti financohet nga Bashkimi Evropian dhe Agjencia Austriake për Zhvillim (ADA). Përmbajtja e këtij manuali reflekton pikëpamjet e autorëve dhe nuk pasqyron domosdoshmërisht ato të BE-së, ADA-s, TEN-it apo KDZ-së.

Dialogu i Prishtinës: Ballkani dhe Azia e Jugut

Janar 2025

Jon Krasniqi 0 3783 Article rating: No rating

Dialogu i Prishtinës: Ballkani dhe Azia e Jugut, e mbajtur më 25 nëntor 2024, në Prishtinë, shënoi një moment të rëndësishëm në rrugën e Kosovës drejt bashkëpunimit ndërrajonal. Ngjarja ofroi një platformë unike për të eksploruar sfidat dhe mundësitë e përbashkëta të Kosovës dhe Azisë Jugore (Bangladesh, Indi, Nepal, Pakistan dhe Shri Lanka) ndërmjet këtyre rajoneve të ndryshme.

Ky dokument i shkurtër përmbledh të gjeturat kryesore nga ky aktivitet, të organizuara rreth tre shtyllave kryesore: qeverisja demokratike, diplomacia ekonomike dhe roli i aktorëve jo-shtetërorë në nxitjen e bashkëpunimit. Dokumenti ofron rekomandime praktike për politikëbërësit dhe akterët e tjerë të përfshirë, me synim forcimin e marrëdhënieve ndërrajonale dhe pozicionimin e Kosovës si një akter aktiv në arenën ndërkombëtare.

Dixhitalizimi në Suharekë - Gjetjet nga anketa

Tetor 2024

Anonym 0 3987 Article rating: No rating

Me qëllim rritjen e transparencës dhe fuqizimin e zyrtarëve lokalë në përputhje me Reformën e Administratës Publike, përmes anketës së fundit kemi identifikuar sfidat që qytetarët hasin në përdorimin e uebsajtit të komunës. Anketa gjithashtu reflekton nivelin e kënaqësisë së qytetarëve me shërbimet online dhe mënyrat se si do të preferonin të informoheshin për këto shërbime.

Meqenësë projekti synon të rrisë transparencën dhe të fuqizojë zyrtarët në përputhje me Reformën e Administratës Publike duke krijuar një manual për përdorimin e uebsajtit që adreson nevojat e qytetarëve dhe përmirëson qasjen në shërbime, përmes pyetësorit të realizuar, ne kemi arritur të identfikojmë problemet e qytetarëve në përdorimin e website-it të komunës së Suharekës.

Prodhuar në kuadër të projektit “WeBER 3.0” për Reformën e Administratës Publike të Ballkanit Perëndimor. WeBER zbatohet nga Think of Europe Network – TEN dhe Qendra për Kërkime në Administratën Publike – KDZ. PIPS është një nga përfituesit e WeBER 3.0 brenda Local PAR Citizen Engagement Small Grant Facility 2024/2025.

 

 

RAPORTI I DYTË MONITORUES: STRATEGJIA E ENERGJISË E REPUBLIKËS SË KOSOVËS 2022-2031 (PERIUDHA 2024)

Shtator 2024

Anonym 0 4877 Article rating: No rating

Strategjia e Energjisë e Republikës së Kosovës u miratua nga Kuvendi i Kosovës më 8 mars 2023.

Kjo Strategji synon të adresojë sfidat aktuale dhe të vendosë bazat për një të ardhme të sektorit energjetik që do të ofrojë siguri të furnizimit, energji të pastër, efiçiencë të energjisë dhe pjesëmarrje aktive të qytetarëve. Strategjia përfshin integrimin e sistemit elektroenergjetik të Kosovës në tregun rajonal dhe atë pan-Evropian, me theks të veçantë në përdorimin e burimeve të ripërtëritshme të energjisë (BRE) dhe bashkëpunimin e ngushtë me Republikën e Shqipërisë.

Në këtë kontekst, raporti i monitorimit shërben si një mjet thelbësor, duke ofruar një vlerësim gjithëpërfshirës të progresit të zbatimit të strategjisë për vitin 2024 (duke përfshirë vitet 2022 dhe 2023). Andaj, PIPS po vazhdon me monitorimin e strategjisë, ndërsa ky raport është pjesa e dytë e serive të raportit të monitorimit, që mbulon të gjitha masat e papërmbushura të 2022-tës dhe 2023-tës, si dhe te gjitha masat e 2024-tës.

Raporti synon të vlerësojë arritjet dhe të identifikojë sfidat gjatë këtyre viteve të implementimit të strategjisë.

Vjetari i Politikës së Jashtme (2023)

Korrik 2024

Anonym 0 5846 Article rating: No rating

Ky raport ofron një analizë të shkurtër të politikës së jashtme të Kosovës përgjatë vitit 2023, deri më 15 shkurt 2024. Qëllimi i këtij raporti është të dokumentojë të zhvillimet, sfidat dhe objektivat strategjike të Kosovës në lidhje me politiken e jashtme. Të dhënat e mbledhura përfshijnë deklaratat zyrtare të qeverisë, të dhënat e takimeve diplomatike dhe analizat e angazhimeve ndërkombëtare.

Kapitujt më detajisht flasin për marrëdhëniet bilaterale apo dypalëshe, njohjen diplomatike dhe anëtarësimin në organizatat ndërkombëtare, integrimin euroatlantik, dialogun për normalizimin e marrëdhënieve me Serbinë, si dhe performancën e MPJD-së së Kosovës gjatë vitit 2023.

RSS
1345678910Last