e hënë, 22 qershor 20260

Regionalni seminar o tranzicionoj pravdi

PIPS mbajti Seminarin Rajonal mbi Drejtësinë Tranzicionale "Nga Ballafaqimi me të Kaluarën te Formësimi i së Ardhmes", duke bashkuar të rinjë nga shoqëria civile, profesionistë të medias, akademikë nga Kosova, Serbia, Bosnja dhe Hercegovina dhe Kroacia për dy ditë dialogu rajonal.

Gjatë seminarit, pjesëmarrësit eksploruan disa nga çështjet më urgjente me të cilat përballet Ballkani Perëndimor sot: si përballen shoqëritë me narrativat konkurruese të së kaluarës, si ndiqet llogaridhënia në mjedise të polarizuara politikisht, si proceset e personave të zhdukur mund të çojnë përpara të vërtetën dhe drejtësinë, dhe si të rinjtë, media e pavarur dhe perspektivat gjinore po formësojnë të ardhmen e kujtesës dhe pajtimit.

Përmes dialogut të hapur, seminari krijoi hapësirë për pjesëmarrësit për të sfiduar supozimet, për të ndarë përvoja rajonale dhe për të ndërtuar një rrjet rajonal më të fortë të përkushtuar për t'u përballur me të kaluarën.

Jemi mirënjohës ndaj ekspertëve, partnerit dhe pjesëmarrësve tanë për dy ditë bisedash kuptimplote dhe të nevojshme.

Ky aktivitet u mundësua me mbështetjen e projektit rajonal "Mbështetje e BE-së për Ndërtimin e Besimit në Ballkanin Perëndimor," i financuar nga Bashkimi Evropian (BE) dhe i zbatuar nga Programi i Kombeve të Bashkuara për Zhvillim (UNDP).

--

PIPS held the Regional Seminar on Transitional Justice "From Dealing with the Past to Shaping the Future", bringing together young political and civic leaders, media professionals, academics and civil society representatives from Kosovo, Serbia, Bosnia and Herzegovina, and Croatia for two days of regional dialogue.

Over the course of the seminar, participants explored some of the most pressing questions facing the Western Balkans today: how societies confront competing narratives of the past, how accountability is pursued in politically polarized environments, how missing persons processes can advance truth and justice, and how youth, independent media and gender perspectives are shaping the future of memory and reconciliation.

Through open dialogue and critical exchange, the seminar created space for participants to challenge assumptions, share regional experiences, and build a stronger regional network committed to dealing with the past.

We are grateful to the experts from Kosovo and across the region who led these sessions with insight and courage and to our partner and participants for two days of meaningful and necessary conversations.

The activity is made possible with the assistance of the regional project EU Support to Confidence Building in the Western Balkans, which is funded by the European Union (EU) and implemented by the United Nations Development Programme (UNDP).

e martë, 2 qershor 20260

Seminari II i Shkollës Politike: Politikat Publike, Sundimi i Ligjit dhe Zhvillimi i Qëndrueshëm

PIPS mbajti Seminarin II të Shkollës Politike me 29-31 maj në Brezovicë, me fokus në Politikat Publike, Sundimin e Ligjit dhe Zhvillimin e Qëndrueshëm. Gjatë tri ditëve të seminarit, pjesëmarrësit u angazhuan në diskutime, analiza dhe ushtrime praktike mbi sfidat e hartimit dhe zbatimit të politikave publike në Kosovë.

Sesione të ndryshme trajtuan kapacitetin shtetëror, llogaridhënien institucionale, zhvillimin e qëndrueshëm, politikat energjetike, integrimin evropian dhe qeverisjen digjitale në epokën e inteligjencës artificiale. Përmes kontributit të ekspertëve nga fusha akademike, institucionet publike, shoqëria civile dhe sektori i politikave publike, pjesëmarrësit reflektuan mbi mënyrat se si reformat mund të përkthehen në politika të zbatueshme dhe të qëndrueshme.

Seminari u përmbyll me reflektime mbi rolin e lidershipit, reformave dhe inovacionit në forcimin e qeverisjes demokratike në Kosovë.

Shkolla Politike mbështetet nga Këshilli i Evropës, Demo Finland dhe Konrad Adenauer Stiftung Kosovo.

e martë, 21 prill 20260

Seminari i parë i Shkollës Politike – Kosova, Demokracia, dhe Shtetësia në një rend gjeopolitik në ndryshim - Përmbledhje e tre ditëve

U përmbyll me sukses seminari i parë i Shkollës Politike, i fokusuar në Kosovën, demokracinë dhe shtetësinë në një rend gjeopolitik në ndryshim.

Dita 1 vendosi bazat e diskutimit duke trajtuar kontekstin global dhe rajonal, nga ndryshimet në rendin botëror dhe implikimet për Ballkanin Perëndimor dhe Kosovën, te roli i marrëdhënieve transatlantike dhe presionet në rritje ndaj demokracisë, përfshirë populizmin dhe polarizimin politik.

Dita 2 u fokusua në rrugëtimin e Kosovës, nga shtetndërtimi deri te sfidat aktuale demokratike. Diskutimet trajtuan performancën e institucioneve, besimin publik dhe rreziqet që polarizimi politik paraqet për dialogun demokratik dhe kohezionin shoqëror.

Dita 3 e orientoi diskutimin drejt së ardhmes, duke trajtuar të drejtat e njeriut dhe të minoriteteve si shtyllë të shtetësisë dhe integrimit evropian, si dhe rolin e mekanizmave kushtetues në ruajtjen e stabilitetit institucional dhe forcimin e qëndrueshmërisë demokratike.

Falënderim i veçantë për kontribuesit dhe ligjëruesit tanë, Dr. Gëzim Visoka, z. Agon Maliqi, z. Adri Nurellari, Dr. Ramadan Ilazi, znj. MaryAnne Hennessey, z. Miodrag Milicevic dhe znj. Gresa Caka Nimani, si dhe për të gjithë partnerët dhe pjesëmarrësit për këtë fundjavë të vlefshme diskutimesh.

Shkolla Politike mbështetet nga Këshilli i Evropës, Demo Finland, dhe Konrad-Adenauer Stiftung Kosovo.

e martë, 7 prill 20260

Takimi me gjeneratën e 24-të të Shkollës Politike

Sot u mbajt takimi i parë me pjesëmarrësit e Gjeneratës së 24-të të Shkollës Politike, i cili shërbeu si një mundësi për t’u njohur mes vete dhe për të krijuar bazat e bashkëpunimit përgjatë programit.

Gjatë këtij takimi, prezantuam në detaje programin e Shkollës Politike për vitin 2026, duke përfshirë temat, strukturën dhe aktivitetet që do të zhvillohen gjatë vitit.

Broshurën e plotë të programit mund ta gjeni këtu:
https://pips-ks.org/sq/Detaje/ArtMID/1446/ArticleID/4336/Shkolla-Politike-2026-Gjenerata-e-24-t235

e martë, 16 dhjetor 20250

SHKOLLA POLITIKE E PRISHTINËS KA HAPUR KONKURSIN PËR PRANIMIN E KANDIDATËVE PËR GJENERATËN E NJËZET E KATËR (24)

Bëhuni pjesë e një përvoje transformuese me një nga programet e para të edukimit politik joformal në Kosovë! Shkolla Politike, e themeluar për të fuqizuar liderët në sferat politike, ekonomike, sociale dhe kulturore, ka hapur thirrjen për aplikim në gjeneratën e saj të 24-të. E ndërtuar mbi shtyllat e demokracisë, programi ynë shtrihet nga marsi deri në nëntor, duke përfshirë seminare, diskutime dhe ligjerata që kultivojnë të menduarit kritik dhe vlerat demokratike. Programi ofron mundësi për të thelluar njohuritë në fusha si qeverisja, lidershipi, të drejtat e njeriut dhe angazhimi qytetar, duke pajisur pjesëmarrësit me njohuritë për të formësuar të ardhmen si qytetarë aktiv dhe lider në Kosovë.

RSS

Previous 1 2 3 4 5 6 7 8 9 10 Next Last

Aktivitetet më të shikuara

Dialog dhe shkëmbim përvojash ndërmjet Kosovës dhe Finlandës: Vizita e delegacionit finlandez në Prishtinë, 27–29 shtator

Jon Krasniqi / e premte, 2 tetor 2026

/ Kategoria: Aktivitetet

Dialog dhe shkëmbim përvojash ndërmjet Kosovës dhe Finlandës: Vizita e delegacionit finlandez në Prishtinë, 27–29 shtator

Instituti i Prishtinës për Studime Politike (PIPS), në bashkëpunim me Demo Finland, mirëpriti në Prishtinë një delegacion nga Finlanda gjatë vizitës së tij më 27–29 shtator 2026. Vizita krijoi hapësira për shkëmbim përvojash dhe diskutim mbi funksionimin parlamentar, dialogun ndërpartiak dhe forcimin e kulturës së bashkëpunimit politik.

Në kuadër të vizitës, PIPS organizoi një dialog ndërmjet deputeteve të Kuvendit të Kosovës dhe delegacionit parlamentar finlandez, me fokus në funksionimin e parlamenteve, bashkëpunimin pozitë–opozitë, dialogun ndërpartiak dhe shkëmbimin e përvojave mes dy vendeve.

Në takim morën pjesë deputetet Time Kadrijaj (AAK), Krenare Çerkini (LVV), Ariana Musliu-Shoshi (PDK), Janina Ymeri (LDK) dhe Albana Bytyqi (AAK), së bashku me Pihla Keto-Huovinen, deputete e Parlamentit të Finlandës dhe Kryetare e Bordit të Demo Finland; Krista Mikkonen, deputete e Parlamentit të Finlandës dhe Nënkryetare e Bordit të Demo Finland; dhe Anu Juvonen, Drejtoreshë Ekzekutive e Demo Finland.

Diskutimi u përqendrua në përvojat e dy parlamenteve dhe mënyrën se si dialogu politik, bashkëpunimi ndërpartiak dhe kompromisi mund të kontribuojnë në funksionimin e institucioneve demokratike.

Si pjesë e vizitës, PIPS dhe Demo Finland organizuan gjithashtu diskutimin e hapur “Rezilienca Demokratike në Kohë të Polarizimit: Perspektiva nga Finlanda dhe Kosova”, me pjesëmarrës dhe alumnistë të Shkollës Politike.

Duke u nisur nga përvoja finlandeze, diskutimi trajtoi kulturën parlamentare, formimin e qeverive, negociatat për koalicione dhe rolin e kompromisit në ndërtimin e bashkëpunimit politik. Pjesëmarrësit diskutuan gjithashtu mbi praktikat që mund të ofrojnë mësime për Kosovën në forcimin e besimit ndërmjet pozitës dhe opozitës, ruajtjen e dialogut demokratik dhe zhvillimin e bashkëpunimit ndërmjet institucioneve politike dhe shoqërisë civile.

Vëmendje e veçantë iu kushtua edhe rolit të grave dhe liderëve të rinj në zhvillimin e një kulture politike më bashkëpunuese.

Perspektivat dhe përvojat e tyre i ndanë Anu Juvonen, Drejtoreshë Ekzekutive e Demo Finland; Pihla Keto-Huovinen, Kryetare e Bordit të Demo Finland dhe Deputete e Parlamentit të Finlandës; dhe Krista Mikkonen, Nënkryetare e Bordit të Demo Finland dhe Deputete e Parlamentit të Finlandës.

Vizita ofroi një mundësi për të thelluar shkëmbimin ndërmjet Kosovës dhe Finlandës dhe për të diskutuar se si dialogu, kompromisi dhe bashkëpunimi mund të kontribuojnë në institucione më të qëndrueshme dhe një kulturë politike më bashkëpunuese.

PIPS falënderon delegacionin finlandez, deputetet e Kuvendit të Kosovës, pjesëmarrësit dhe alumnistët e Shkollës Politike për një shkëmbim të hapur dhe të vlefshëm të përvojave.

Aktivitetet u organizuan në bashkëpunim me Demo Finland.

Print

17 Rate this article:

No rating