Takimi i parë i Shkollës Politike 2018

Më datë 31 Janar, e mërkure, u mbajt takimi i parë me pjesëmarrësit/et e Gjeneratës së 16-të të Shkollës Politike. Drejtoresha e Institutit të Prishtinës për Studime Politike, znj. Leonora Kryeziu e hapi takimin duke prezantuar para pjesëmarrësve prapavijën e Shkollës Poltike dhe aktivitetet e mbajtura ndër vite. Gjatë këtij takimi pjesëmarrësit/et patën mundësinë të njoftohen me historikun e Shkollës Politike të Prishtinës dhe programin e sivjetshëm. Pjesëmarrësit/et shprehën interesimin e tyre për seminaret që do të mbahen gjatë këtij viti dhe mundësinë për bashkëpunim dhe rrjetëzim. Seminari i parë i Shkollës do të mbledh në Mars pjesëmarrësit e kësaj gjenerate dhe do të fokusohet në temën "Shteti dhe Shoqëria: Identiteti Politik, Qeverisja dhe Rendi Politik".