Seminari i I-rë i Shkollës Politike (Gjenerata 23) - Përpjekjet e Kosovës për konsolidim drejt një shoqërie kohezive e hënë, 19 maj 20250

Seminari i I-rë i Shkollës Politike (Gjenerata 23) - Përpjekjet e Kosovës për konsolidim drejt një shoqërie kohezive

Shkolla Politike (Gjenerata 23) ka nisur zyrtarisht programin me seminarin e parë këtë fundjavë!

Nga data 11 deri më 13 prill, Shkolla Politike hapi zyrtarisht edicionin e saj të radhës me një seminar tre-ditor, ku pjesëmarrësit e Gjeneratës 23 filluan rrugëtimin e tyre njëvjeçar me entuziazëm dhe përkushtim. Programi nisi me prezantimin e partnerëve dhe përmbajtjes, ndërsa gjatë ditëve në vijim u zhvilluan diskutime të thelluara mbi shtetin, paqen, konfliktin dhe kohezionin social, nën moderimin e z. Ramadan Ilazi dhe me ligjërues si znj. Marta Gazideda, z. Dukagjin Gorani, z. Robert Muharremi, z. Enver Hasani, z. Betim Zllanoga dhe z. Senad Sabovic. Seminarin e nderuan me pjesëmarrjen e tyre edhe përfaqësues nga Këshilli i Evropës dhe Konrad-Adenauer-Stiftung Kosovo, partnerët tanë strategjikë. Diskutimet dinamike, puna ekipore dhe reflektimet mbi sfidat e ndërtimit të një shoqërie gjithëpërfshirëse shënuan një fillim të fortë për këtë gjeneratë të re liderësh.

Falënderim i veçantë Këshillit të Evropës për mbështetjen e programit , si dhe Konrad Adenauer Stiftung Kosovo për mbështetjen e këtij seminari.

SHKOLLA POLITIKE E PRISHTINËS KA HAPUR KONKURSIN PËR PRANIMIN E KANDIDATËVE PËR GJENERATËN E NJËZET E TRETË (23) e martë, 14 janar 20250

SHKOLLA POLITIKE E PRISHTINËS KA HAPUR KONKURSIN PËR PRANIMIN E KANDIDATËVE PËR GJENERATËN E NJËZET E TRETË (23)

Shkolla Politike, e themeluar për të fuqizuar liderët në sferat politike, ekonomike, sociale dhe kulturore, ka hapur thirrjen për aplikim në gjeneratën e saj të 23-të.

Kush mund të aplikojë?

Mirëpresim kandidatë nga partitë politike, institucionet publike, mediat, OJQ-të dhe bizneset. Kandidatët e interesuar duhet të kenë të përfunduar nivelin Bachelor dhe njohja e gjuhës angleze është e detyrueshme. Si profesionist aktiv në fushën tuaj, shfrytëzojeni këtë mundësi për të kontribuar në të ardhmen e juaj!

Përfitimet nga Programi i Shkollës Politike të Prishtinës:

· Ngritje e njohurive në nxitjen e demokracisë, respektimin e ligjit dhe mbrojtjen e të drejtave të njeriut.

· Njohuri të thelluara nga ligjëruesit më prominent vendas dhe ndërkombëtarë.

· Certifikim nga Këshilli i Evropës

· Pjesëmarrje ekskluzive në Forumin Botëror për Demokraci në Strasburg.

· Pjesë e rrjetit tonë prej mbi 700 alumni.

Afati i Aplikimit: 31 Janar 2025

Ceremonia e diplomimit të gjeneratës së 22-të të Shkollës Politike e mërkurë, 18 dhjetor 20240

Ceremonia e diplomimit të gjeneratës së 22-të të Shkollës Politike

Instituti i Prishtinës për Studime Politike (PIPS) mbrëmë, në praninë e partnerëve, alumnistëve dhe mes miqësh, shënoi diplomimin e gjeneratës së 22-të, duke përmbyllur edhe një cikël të suksesshëm të programit të Shkollës Politike. Ky program ka qenë dhe vazhdon të jetë më shumë se një mundësi edukimi, është një nxitës për lidership dhe një themel për një shoqëri më të drejtë dhe gjithëpërfshirëse. 

Shkolla Politike vazhdon të angazhohet për gjithëpërfshirje dhe diversitet, që janë thelbësore për një shoqëri demokratike dhe progresive. 

Si çdo herë, në përmbyllje të programit të Shkollës Politike, reflektuam mbi sfidat që na përcollën gjatë vitit dhe pritjet për vitin vijues. 

Konferenca përmbyllëse e projektit 'Rruga drejt përdorimit efiçient vendor të burimeve natyrore' e hënë, 16 dhjetor 20240

Konferenca përmbyllëse e projektit 'Rruga drejt përdorimit efiçient vendor të burimeve natyrore'

Instituti i Prishtinës për Studime Politike (PIPS), Akademia e Studimeve Politike (ASP), Komuna Suharekë dhe Bashkia Kurbin organizuan konferencën përmbyllëse të projektit “Rruga drejt përdorimit efiqient vendor të burimeve natyrore”, që u mbajt të premten, më 13 dhjetor. Ky projekt është pjesë e Programit IPA II për bashkëpunim ndërkufitar Shqipëri-Kosovë.

Gjatë konferencës, u prezantuan rezultatet e arritura gjatë dy viteve të implementimit të projektit, me fokus në përmirësimin e efikasitetit energjetik dhe adresimin e sfidave klimatike.

Bashkëpunimi me Demo Finland rreth të rinjve në partitë politike e mërkurë, 27 nëntor 20240

Bashkëpunimi me Demo Finland rreth të rinjve në partitë politike

Instituti i Prishtinës për Studime Politike (PIPS) në bashkëpunim me Demo Finland, priti një delegacion të politikanëve të rinj finlandezë, të diplomuar të Akademisë së Demokracisë në Finlandë, për një vizitë studimore me qëllim nxitjen e dialogut dhe shkëmbimin e përvojave ndërmjet Kosovës dhe Finlandës. Kjo vizitë ofroi një platformë për të eksploruar sfidat dhe mundësitë për pjesëmarrje politike në mesin e të rinjve në Kosovë duke shkëmbyer përvojat finlandeze të bashkëpunimit shumëpartiak.

RSS
1345678910Last
Aktivitetet më të shikuara
 
SHKOLLA POLITIKE E PRISHTINËS KA HAPUR KONKURSIN PËR PRANIMIN E KANDIDATËVE PËR GJENERATËN E NJËZET E NJËT (21).
Diona Kusari
/ Kategoria: Aktivitetet

SHKOLLA POLITIKE E PRISHTINËS KA HAPUR KONKURSIN PËR PRANIMIN E KANDIDATËVE PËR GJENERATËN E NJËZET E NJËT (21).


Çka është Shkolla Politike?


Shkolla Politike është një ndër programet e para të edukimit joformal politik në Kosovë e cila u themeluar me qëllim të fuqizimit të liderëve politikë, ekonomik, social dhe kulturor, me synim të krijimit të një shoqërie moderne dhe kulture demokratike. Programi është i ndërtuar mbi tre shtylla: demokracia, të drejtat e njeriut dhe sundimi i ligjit. Shkolla Politike synon të krijojë një komunitet të qëndrueshëm të liderëve të rinj dhe të motivuar duke përdorur mënyra të reja të të menduarit dhe qasje të reja ndaj politikëbërjes.


Si organizohet?


Shkolla zbatohet përmes seminareve, diskutimeve tematike dhe ligjeratave, të cilat organizohen nga muaji mars deri në nëntor brenda një viti.
Modulet janë krijuar për të inkurajuar të menduarit kritik dhe të pavarur si dhe për të rritur vlerat dhe kompetencat demokratike duke futur praktika demokratike. Programi trajton një gamë të gjerë temash, si: Shteti dhe shoqëria, Politikat Publike, Ekonomia dhe Politika, Politikat e Jashtme dhe Siguria Kombëtare, si dhe Partitë Politike dhe Komunikimi Politik, ndër të tjerash. Këto seminare ndihmojnë në trajnimin e gjeneratave të ardhshme të liderëve politik, ekonomikë dhe kulturorë të Kosovës.Programi akademik zgjat nga muaji mars deri në nëntor të një viti të caktuar.


Sa pjesëmarrës?


Çdo vit Shkolla rekruton deri më 30 pjesëmarrës të cilët përzgjedhën në bazë të aftësive të tyre profesionale, duke marrë në konsideratë edhe faktorë të tjerë relevantë politik, social, etnik, gjinor, dhe gjeografik.


Çka përfitoni nga Shkolla Politike?


Shkolla me një numër prej rreth 700 alumnive, ofron një rrjet të gjerë të promovimit të kulturës demokratike. Pjesëmarrësit e Shkollës Politike përfitojnë nga programi njohuri të thella rreth temave lartëpërmendura politike nga ligjerues prominent vendore dhe ndërkombëtar. Përmes Shkollës, pjesëmarrësit rrisin aftësitë në nxitjen dhe promovimin e demokracisë, të respektimit të ligjit dhe të të drejtave të njeriut. Ndër të tjerash, Programi i Shkollës Politike është një burim i shkëlqyer i rrjetizimit, me shkëmbim idesh dhe perspektivash të reja. Duke konsideruar se një pjesë e konsiderueshme e elitës politike në Kosovë kanë kaluar përmes Shkollës Politike, rrjetizimi qe ofron ky program ju ndihmon në shkëmbimin e ideve me njerëz në të gjitha nivelet profesionale. Për më tepër, pjesëmarrësit e Shkollës Politike përfitojnë nga pjesëmarrja në Forumin Botëror për Demokraci në Strasburg, si dhe çertifikimin nga Këshilli i Evropës.

Programi i Shkollës Politike mbështetet nga Këshilli i Evropës.

Previous Article Seminari i II-të i Shkollës Politike të Gjeneratës së 21-të
Next Article Seminari i IV-të i Shkollës Politike (Gjenerata e 20-të)
Print
16860 Rate this article:
No rating
Programet
  • Shkolla Politike
Viti i publikimit
  • 2023