Shkolla Politike e Prishtinës në Forumin Botëror për Demokraci 2026 në Strasburg e premte, 6 nëntor 20260

Shkolla Politike e Prishtinës në Forumin Botëror për Demokraci 2026 në Strasburg

Pjesëmarrësit e Gjeneratës së 24-të të Shkollës Politike morën pjesë në Forumin Botëror për Demokraci të Këshillit të Evropës, duke u bërë pjesë e diskutimeve ndërkombëtare mbi të ardhmen e demokracisë, sigurinë demokratike dhe sfidat me të cilat përballen shoqëritë bashkëkohore.

Instituti i Prishtinës për Studime Politike (PIPS), së bashku me pjesëmarrësit e Gjeneratës së 24-të të Shkollës Politike, qëndroi në Strasburg të Francës nga 1 deri më 5 nëntor 2026, në kuadër të vizitës së organizuar për pjesëmarrje në Forumin Botëror për Demokraci dhe aktivitetet e Rrjetit të Shkollave Politike të Këshillit të Evropës.

Forumi Botëror për Demokraci, i cili u mbajt më 2 dhe 3 nëntor në ambientet e Këshillit të Evropës, këtë vit u organizua nën temën “Përçarje apo ripërtëritje? Siguria demokratike për të ardhmen” (Rupture or renewal? Democratic security for the future). Edicioni i 14-të i Forumit mblodhi përfaqësues të institucioneve politike, organizatave të shoqërisë civile, akademisë, mediave dhe të rinj nga vende të ndryshme, për të diskutuar mbi gjendjen e demokracisë dhe mundësitë për forcimin e saj përballë zhvillimeve dhe sfidave të reja.

Takim ndërpartiak me asambleistë komunalë: Hapësirat publike në Prishtinë e premte, 30 tetor 20260

Takim ndërpartiak me asambleistë komunalë: Hapësirat publike në Prishtinë

Gjatë ditës së djeshme, PIPS organizoi një takim ndërpartiak me asambleistë komunalë, të fokusuar në gjendjen aktuale të hapësirave publike në Prishtinë, sfidat në menaxhimin dhe mirëmbajtjen e tyre, si dhe mundësitë për përmirësim.

Në kuadër të takimit, z. Agron Demi, Drejtor Ekzekutiv i Atlas Institute, dhe z. Leutrim Retkoceri, Drejtor i Drejtorisë së Shërbimeve Publike, Mbrojtjes dhe Shpëtimit, diskutuan mbi sfidat kryesore dhe përgjegjësitë e institucioneve lokale në adresimin e tyre.

Diskutimi me pjesëmarrësit u përqendrua në rolin e asambleistëve, përfshirjen e qytetarëve dhe identifikimin e veprimeve konkrete për përmirësimin e hapësirave publike përmes bashkëpunimit ndërpartiak.

Takim ndërpartiak me të rinjtë e partive politike: Parandalimi i abuzimit me substancat narkotike te të rinjtë - 20 tetor e martë, 20 tetor 20260

Takim ndërpartiak me të rinjtë e partive politike: Parandalimi i abuzimit me substancat narkotike te të rinjtë - 20 tetor

PIPS zhvilloi sot një takim me të rinjtë e partive politike, të fokusuar në gjendjen aktuale të përdorimit dhe abuzimit me substanca narkotike te të rinjtë, si dhe në mundësitë për parandalimin dhe adresimin e kësaj dukurie.

Në kuadër të takimit, z. Safet Blakaj, Drejtor Ekzekutiv i Qendrës “Labyrinth”, mbajti një prezantim mbi shkaqet dhe pasojat e përdorimit të substancave narkotike, si dhe sfidat kryesore në parandalimin dhe trajtimin e këtij problemi.

Diskutimi me pjesëmarrësit u përqendrua në mundësitë e mbështetjes për të rinjtë që kanë nevojë për ndihmë, rolin e institucioneve dhe organizatave përkatëse, si dhe kontributin që mund të japin të rinjtë e angazhuar politikisht në parandalimin e kësaj dukurie.

Vëmendje e veçantë iu kushtua identifikimit të hapave konkretë për bashkëpunim dhe formulimit të rekomandimeve për adresimin e këtij problemi.

Instituti i Prishtines për Studime Politike (PIPS) është krenar të mbështet European Frontline Democracies Network e mërkurë, 14 tetor 20260

Instituti i Prishtines për Studime Politike (PIPS) është krenar të mbështet European Frontline Democracies Network

Instituti i Prishtines për Studime Politike (PIPS) është krenar të mbështet European Frontline Democracies Network, një iniciativë e përbashkët e zhvilluar në bashkëpunim me Fondacionin Forum 2000.

Iniciativa synon të forcojë bashkëpunimin dhe të ndërtojë lidhje të qëndrueshme midis aktorëve të shoqërisë civile nga Ballkani Perëndimor dhe vendet e Evropës Lindore që aspirojnë të bashkohen me Bashkimin Evropian, duke përfshirë Ukrainën, Moldavinë, Armeninë, Gjeorgjinë, Azerbajxhanin dhe Bjellorusinë. Duke lidhur aktorët demokratikë që përballen me presion autoritar, rrjeti kërkon të nxisë solidaritetin, të shkëmbejë përvoja dhe të forcojë qëndrueshmërinë demokratike në të gjithë rajonin.

Përmes kësaj iniciative, PIPS vazhdon angazhimin e saj për të promovuar vlerat demokratike, bashkëpunimin rajonal dhe dialogun përtej kufijve.

European Frontline Democracies Network mbështetet nga Fondi i Vëllezërve Rockefeller dhe Qendra Pocantico dhe Fondi Kombëtar për Demokraci.

Seminari i V-të i Shkollës Politike: Partitë Politike, Lidershipi i Përgjegjshëm dhe Pjesëmarrja Demokratike (9-11 tetor) e hënë, 12 tetor 20260

Seminari i V-të i Shkollës Politike: Partitë Politike, Lidershipi i Përgjegjshëm dhe Pjesëmarrja Demokratike (9-11 tetor)

 

A mund të ketë demokraci të fortë pa parti politike që gëzojnë besimin e qytetarëve dhe pa liderë që mbajnë përgjegjësi ndaj tyre?

Kjo pyetje ishte në qendër të Seminarit V të Shkollës Politike, ku gjatë dy ditëve të diskutimeve trajtuam rolin e partive politike, rëndësinë e lidershipit të përgjegjshëm dhe sfidat e pjesëmarrjes demokratike në Kosovë. Një vëmendje të veçantë ia kushtuam edhe përfaqësimit dhe lidershipit të grave në politikë.

Në përmbyllje, iu kthyem historisë së Kosovës gjatë viteve '90, duke reflektuar mbi kulturën politike të rezistencës, ndërtimin e institucioneve të pavarura dhe rolin e solidaritetit qytetar në krijimin e besimit dhe organizimit politik.

Me këto diskutime, përmbyllëm Seminarin V me temën Partitë Politike, Lidershipi i Përgjegjshëm dhe Pjesëmarrja Demokratike, duke reflektuar mbi mënyrat se si partitë, liderët dhe qytetarët mund të kontribuojnë në një demokraci më përfaqësuese, gjithëpërfshirëse dhe llogaridhënëse.

Programi i Shkollës Politike mbështetet nga Këshilli i Evropës dhe Demo Finland.

--

Can democracy be strong without political parties that earn citizens' trust and leaders who are accountable to them?

This question was at the heart of Seminar V of the School of Politics, where two days of discussions focused on the role of political parties, the importance of responsible leadership, and the challenges of democratic participation in Kosovo. We also dedicated particular attention to women's representation and leadership in politics.

In our closing session, we reflected on Kosovo's history during the 1990s, exploring the political culture of resistance, the establishment of independent institutions, and the role of civic solidarity in building trust and political organization.

With these discussions, we concluded Seminar V on Political Parties, Responsible Leadership, and Democratic Participation, reflecting on how political parties, leaders, and citizens can contribute to a more representative, inclusive, and accountable democracy.

The School of Politics programme is supported by the Council of Europe and Demo Finland.

RSS
1345678910Last
Aktivitetet më të shikuara
 
Seminari II i Shkollës Politike: Politikat Publike, Sundimi i Ligjit dhe Zhvillimi i Qëndrueshëm
Jon Krasniqi
/ Kategoria: Aktivitetet

Seminari II i Shkollës Politike: Politikat Publike, Sundimi i Ligjit dhe Zhvillimi i Qëndrueshëm

PIPS mbajti Seminarin II të Shkollës Politike me 29-31 maj në Brezovicë, me fokus në Politikat Publike, Sundimin e Ligjit dhe Zhvillimin e Qëndrueshëm. Gjatë dy ditëve të para, pjesëmarrësit u angazhuan në diskutime dhe ushtrime praktike mbi sfidat e hartimit të politikave, zbatimit institucional, sundimit të ligjit, zhvillimit të qëndrueshëm dhe politikave energjetike në Kosovë.

Seminari u hap me fjalën hyrëse të znj. Leonora Kryeziu, Drejtoreshë Ekzekutive e PIPS, dhe vazhdoi me një sërë sesionesh të udhëhequra nga ekspertë nga fusha akademike, institucionet publike, shoqëria civile dhe sektori i politikave publike.

Dita e parë u fokusua në hendekun ndërmjet hartimit dhe zbatimit të politikave. Në sesionin “Nga Dizajni te Zbatimi: Pse politikat e mira dështojnë në praktikë?”, z. Bernard Nikaj, Profesor i Angazhuar në RIT Kosovo (A.U.K), analizoi ciklin e politikëbërjes përtej modelit teorik, duke theksuar faktorët institucionalë, administrativë dhe politikë që ndikojnë në efektivitetin e politikave në Kosovë.

Ky sesion u pasua nga ushtrimi interaktiv në grup, “Nga Analiza në Zgjidhje: Diagnostikimi i një politike publike reale”, gjithashtu i lehtësuar nga z. Nikaj. Pjesëmarrësit punuan me një rast konkret të politikës publike në Kosovë, duke identifikuar sfidat kryesore të zbatimit, aktorët përgjegjës dhe pengesat institucionale.

Dita e dytë e seminarit u thellua më tej në dimensionet strukturore dhe institucionale të politikëbërjes në Kosovë përmes katër sesioneve tematike.

Në sesionin “Kapaciteti Shtetëror në Praktikë: Pse institucionet dështojnë të zbatojnë politikat?”, z. Besnik Tahiri shqyrtoi rolin e kapaciteteve institucionale në zbatimin e politikave publike dhe sundimin e ligjit, duke u fokusuar në sfida si politizimi i administratës, mungesa e profesionalizmit, qarkullimi i stafit dhe hendeku ndërmjet ambicieve politike dhe kapaciteteve reale për zbatim.

Sesioni “Sundimi i Ligjit dhe Llogaridhënia Institucionale” me z. Ehat Miftaraj trajtoi sundimin e ligjit si mekanizëm kyç për llogaridhënie dhe efektivitet institucional, me fokus në korrupsionin, prokurimin publik, rolin e institucioneve mbikëqyrëse, si dhe dallimin ndërmjet kornizës ligjore dhe zbatimit praktik në Kosovë.

Në sesionin “Zhvillimi i Qëndrueshëm si Politikë Publike: Balancimi i rritjes, mjedisit dhe barazisë”, z. Shpend Ahmeti eksploroi zhvillimin e qëndrueshëm si qasje të integruar të politikëbërjes, duke analizuar Objektivat e Zhvillimit të Qëndrueshëm dhe ndikimin e Marrëveshjes së Gjelbër Evropiane, si dhe sfidat e përkthimit të këtyre kornizave në politika konkrete dhe të zbatueshme për Kosovën.

Dita u përmbyll me sesionin “Politikat Energjetike në Kosovë: Siguria, Tregu dhe Tranzicioni i Gjelbër” me z. Trim Ternava, i cili trajtoi sektorin e energjisë në Kosovë si rast konkret të kompleksitetit të politikëbërjes, duke u fokusuar në balancimin ndërmjet sigurisë së furnizimit, qëndrueshmërisë financiare dhe tranzicionit drejt energjisë së pastër.

Përfunduam Seminarin II-të me një Ditë 3 që shikoi drejt së ardhmes, duke lidhur sfidat e reformave në Kosovë me integrimin evropian, qeverisjen digjitale dhe rolin e lidershipit.

Dita e tretë përfshiu dy sesione dhe një reflektim mbyllës:

Integrimi Evropian si Motor Reformash: Nga Standardet te Zbatimi me znj. Engjellushe Morina, analizoi integrimin evropian si mekanizëm që shtyn reformat strukturore dhe përmirësimin e qeverisjes, me fokus në sfidën kryesore të Kosovës: përkthimin e standardeve të BE-së në politika të zbatueshme dhe të qëndrueshme në praktikë.

Qeverisja Digjitale në Kosovë: Politikëbërja në Epokën e Inteligjencës Artificiale me z. Valon Canhasi, eksploroi rolin e teknologjive të avancuara në vendimmarrjen publike, potencialin e AI për politika më të informuara, si dhe sfidat që lidhen me etikën, privatësinë, mbrojtjen e të dhënave dhe përgjegjësinë institucionale.

Faleminderit të gjithë folësve, pjesëmarrësve dhe partnerëve për tre ditë kuptimplota të të mësuarit dhe shkëmbimit!

Shkolla Politike mbështetet nga Këshilli i Evropës, Demo Finland dhe Konrad Adenauer Stiftung Kosovo.

Previous Article Seminari Rajonal për Drejtësi Tranzicionale/Regional Seminar on Transitional Justice/Regionalni seminar o tranzicionoj pravdi
Next Article Takimi me gjeneratën e 24-të të Shkollës Politike
Print
7634 Rate this article:
No rating
Programet
  • Shkolla Politike
Viti i publikimit
  • 2026