Mbahet Forumi i Dytë Parlamentar i Evropës Juglindore për Eficiencë të Energjisë dhe Klimë e premte, 30 nëntor 20180

Mbahet Forumi i Dytë Parlamentar i Evropës Juglindore për Eficiencë të Energjisë dhe Klimë

PIPS ka marrë pjesë në Forumin e Dytë Parlamentar të Evropës Juglindore për Eficiencë të Energjisë dhe Klimë të mbajtur më 27 Nëntor në Shkup, organizuar nga Fondi i Hapur Rajonal për Eficiencë të Energjisë i GIZ. Pjesëmarrës gjatë forumit ishin deputetë dhe përfaqësues të shoqërisë civile nga 6 vende të Evropës Juglindore.

Çertifikimi i Shkollës Politike 2017 nga Këshilli i Evropës e shtunë, 10 nëntor 20180

Çertifikimi i Shkollës Politike 2017 nga Këshilli i Evropës

Me përfundimin e Seminarit Forumi Botëror për Demokraci, në ambientet e Asamblesë Parlamentare të Këshillit të Evropës u bë çertifikimi i aplikantëve të Shkollës Politike të Prishtinës, për përfundimin e suksesshëm të këtij programi.

Publikimi i "Vjetarit të Politikës së Jashtme të Kosovës" e diel, 28 tetor 20180

Publikimi i "Vjetarit të Politikës së Jashtme të Kosovës"

Me datën 26 Tetor 2018 Instituti i Prishtinës për Studime Politike mbajti tryezën ku u publikua “Vjetari i Politikës së Jashtme Kosovare”. Raporti vjetar mbi vlerësimin e politikës së jashtme është një praktikë e njohur në vendet e tjera, por në Kosovë është hartuar sivjet për herë të parë, nga Instituti i Prishtinës për Studime Politike.

PIPS publikon raportin “Ligji i Jashtëm i Republikës së Kosovës dhe zbatimi i tij” e premte, 5 tetor 20180

PIPS publikon raportin “Ligji i Jashtëm i Republikës së Kosovës dhe zbatimi i tij”

Instituti i Prishtinës për Studime Politike mbajti tryezën ku u publikua raporti “Ligji i Jashtëm i Republikës së Kosovës dhe zbatimi i tij”. Në panel nga institucionet morrën pjesë: Valdet SADIKU (Ministria e Punëve të Jashtme) dhe Fitore Pacolli (Komisioni për Punë të Jashtme, Diasporë dhe Investime Strategjike). Butrint Berisha nga PIPS prezantoi të gjeturat kryesore të punimit.  

Humbësja e madhe e dialogut: Diskutim mbi parimet dhe strategjitë që parandalojnë institucionet e Kosovës të zhbëjnë karakteristikat unike të Kosovës e martë, 11 shtator 20180

Humbësja e madhe e dialogut: Diskutim mbi parimet dhe strategjitë që parandalojnë institucionet e Kosovës të zhbëjnë karakteristikat unike të Kosovës

Instituti i Prishtinës për Studime Politike dhe Grupi për Studime Juridike dhe Politike organizuan tryezën e diskutimit "Humbësja e madhe e dialogut: Diskutim mbi parimet dhe strategjitë që parandalojnë institucionet e Kosovës të zhbëjnë karakteristikat unike të Kosovës".

RSS
First1314151618202122Last
Aktivitetet më të shikuara
 
Seminari i III-të i Gjeneratës së 22-të së Shkollës Politike - Politika e Jashtme dhe Siguria Nacionale
Diona Kusari
/ Kategoria: Aktivitetet

Seminari i III-të i Gjeneratës së 22-të së Shkollës Politike - Politika e Jashtme dhe Siguria Nacionale

Gjatë fundjavës (28-30 Qershor), Shkolla Politike organizoi seminarin e tretë për gjeneratën e saj të 22-të. Tema e seminarit të III-të ishte Politika e Jashtme dhe Siguria Nacionale. Vikendi ishte i mbushur me ligjërata/diskutime të rëndësishme nga përfaqësues të ndryshëm, të cilët diskutuan gjerësisht rreth Politikës së Jashtme, Sigurisë Nacionale dhe rolin e Kosovës në këtë fushë. Ishte një fundjavë e mbushur me diskutime interaktive, ligjërata interesante dhe momente dinamike!

Dita 1 – Politika e Jashtme, Marrëdhëniet SHBA - Kosovë
Dita filloi me z. Adri Nurellari, publicist dhe aktivist, i cili shqyrtoi Politikën e Jashtme nëpërmjet prizmit të ideologjive politike. Pasdita vazhdoi me z. Pëllumb Kelmendi, Profesor i Asociuar në Departamentin e Shkencave Politike në Auburn University, i cili mbajti një ligjëratë mbi partneritetin e Kosovës me SHBA-të dhe konsolidimin e marrëdhënieve politike bilaterale dhe multilaterale. Ai gjithashtu theksoi partneritetin strategjik të Kosovës me aleatët, si dhe sfidat e Kosovës në arenën ndërkombëtare.

Dita 2 – Perspektiva Evropiane për Kosovën, Stabiliteti Rajonal dhe Siguria në Ballkanin Perëndimor, Ndikimi Rus në Ballkanin Perëndimor
Dita e Shtunë filloi me diskutimin mbi perspektivën Evropiane për Kosovën, sfidat e shtrirjes së sovranitetit, politikën aktuale në BE dhe kushtëzimet e BE-së. Ligjërimi dhe diskutimi u drejtuan nga znj. Gjeraqina Tuhina, Korrespondente e Radio Televizionit të Kosovës në Bruksel.

Në pjesën e dytë, vazhduam me një diskutim me znj. Jeta Loshaj. Ajo shqyrtoi ndikimin e Lindjes dhe Perëndimit në Ballkanin Perëndimor, me theks të veqantë ndikimin Rus në rajon. Sesioni i pasdites u përmbyll me një diskutim rreth stabilitetit Rajonal dhe Sigurisë në Ballkanin Perëndimor, duke përfshirë marrëdhëniet e Kosovës me vendet fqinje dhe historinë e konflikteve si dhe duke analizuar dinamikat aktuale të sigurisë. Ligjërimi dhe diskutimi u drejtua nga z. Ylber Hysa, ish Ambasador i Kosovës në Republikën e Maqedonisë së Veriut .

Dita 3 – Diplomacia Multilaterale, Radikalizmi dhe Ektremizmi Fetar si sfidë për sigurinë në Kosovë

Në ditën e fundit të seminarit, dita filloi me z. Petrit Selimi, ish zëvendës-ministër i Punëve të Jashtme të Republikës së Kosovës, i cili zhvilloi një diskutim frymëzues për rolin e Kosovës në Politikën e Jashtme dhe Diplomacinë Multilaterale, duke shqyrtuar mundësitë dhe dinamikën e Politikës së Jashtme të vendit. Seminarin e mbyllëm me një sesion interaktiv nga z. Lulzim Peci, Drejtor Ekzekutiv i KIPRED-it, rreth Radikalizmit dhe Ekstremizmit Fetar si sfidë për sigurinë, duke analizuar gjithashtu impaktin e islamit politik në Kosovë.

Diskutimet gjatë seminarit ishin frytdhënëse dhe të dobishme për të gjithë pjesëmarrësit. Jemi mirënjohës për kontributin e të gjithë ligjëruesve, moderatorëve dhe pjesëmarrësve në suksesin e këtij seminarit.
Më poshtë, shihni disa momente nga Seminari i parë i Shkollës Politike.

Programi i Shkollës Politike mbështetet nga Këshilli i Evropës. Ky seminar i Shkollës Politike është mbështetur nga Konrad-Adenauer-Stiftung Kosovo.


 

Previous Article Seminari i V-të i Shkollës Politike (Gjenerata e 22-të) - Komunikimi Politik, Dezinformimi dhe Pjesëmarrja
Next Article Seminari i Parë i Shkollës Politike (Gjenerata e 22të) - Përpjekjet e Kosovës për forcimin e Shtetit në Kohë Polikrize
Print
8768 Rate this article:
No rating
Programet
  • Shkolla Politike
Viti i publikimit
  • 2024