e mërkurë, 6 dhjetor 20230

Ceremonia e diplomimit të Gjeneratës së 21-të të Shkollës Politike

21 VJET ME SHKOLLËN POLITIKE!

Teksa presim një vit premtues përpara, Shkolla Politike shënon konkludimin e programit të sivjetshëm dhe diplomimin e gjeneratës së 21-të të Shkollës Politike, duke e përmbyllur këtë rrugëtim me sukses.

Ceremonia e graduimit për gjeneratën e 21-të simbolizon fundin e një viti tjetër akademik i cili shërbeu edhe si një moment ritakimi me grupin tonë të alumnive.

Gjeneratës së fundit i urojmë sukses dhe shpresojmë që ky të jetë fillimi i bashkëpunimit tonë me një rrjet alumni që sa shkon e zgjerohet.

Falenderim i veçantë për Këshillin e Evropës, që për më shumë se dy dekada mundëson organizimin e Shkollës Politike, si dhe Konrad-Adenauer-Stiftung Kosovo për mbështetjen e tyre gjatë viteve.

e martë, 14 nëntor 20230

Pjesëmarrja e gjeneratës së 21-të të Shkollës Politike në Forumin Botëror të Demokracisë, Strasbourg

Instituti i Prishtinës për Studime Politike, si traditë e shumevjetshme, mori pjesë në Forumin Botëror të Demokracisë me Gjeneratën e 21-të të Shkollës Politike të Kosovës, në qytetin e Strasburgut.

Nëpërmjet diskutimeve dhe sesioneve me tematika interesante të forumit, ne u futëm thellë në botën e demokracisë dhe morëm mësime të shumë të çmueshme gjatë këtyre kohërave sfiduese të demokracisë në botë.

e enjte, 5 tetor 20230

Të Drejtat për Komunitetet Rurale

"Të drejtat për komunitetet rurale (MRRC)" është një program gjashtëmujor i implementuar nga Instituti i Prishtinës për Studime Politike, i mbështetur nga CDF – Community Development Fund dhe GLPS – Grupi për Studime Juridike Politike, pjesë e projektit JustReact që financohet nga Bashkimi Evropian. Objektivi parësor i programit është fuqizimi dhe përkrahja e komuniteteve rurale dhe të largëta, veçanërisht në komunat e Dragashit, Kaçanikut, Hanit të Elezit, Shtërpcës dhe Deçanit, në kuadër të rajonit të Prizrenit, Pejës dhe Ferizajt. PIPS, së bashku me një ekip ekspertësh udhëton në këto komuna për të ofruar një sesion informues, duke ofruar mbështetje dhe konsultime mbi temat thelbësore të të drejtave të njeriut, duke përfshirë diskriminimin, dhunën gjinore dhe aksesin në drejtësi.

PIPS gjithashtu shpërndan materiale informuese, si broshura, postera në këto komuna për të mbajtur publikun të informuar për aktivitetet e mbajtura.
Mëposhtë, gjeni foto nga sesionet informuese të mbajtura gjatë muajit shtator dhe tetor si dhe linqet e postimeve të takimeve në rrjete sociale.

e mërkurë, 13 shtator 20230

Seminari i IV-të i Shkollës Politike (Gjenerata e 21-të) Partitë Politike dhe Komunikimi Politik

Seminari i IV i Shkollës Politike: Partitë Politike dhe Komunikimi Politik:

Kjo fundjavë shënoi seminarin e katërt dhe të fundit të të Gjeneratës '21 së Shkollës Politike!

Seminari “Partitë Politike dhe Komunikimi Politik” i cili u mbajt nga datat 9-10 shtator tek Pylli i Arinjve Prishtinë, doli të jetë një vikend me diskutime përmbajtësore, energji, ngazëllim dhe njohuri të thella. Si pjesëmarrësit e Shkollës, edhe ligjëruesit ndanë këndvështrimet e tyre, duke krijuar një platformë që nuk ishte asgjë më pak se fuqizuese intelektualisht.

Pikat kryesore:
Një zhytje e thellë në nuancat e partive politike si agjentë të demokratizimit dhe rolin e tyre kryesor në proceset zgjedhore si dhe ndikimi transformues i komunikimit politik dhe sfera dixhitale e mediave sociale.

Në ditën e parë kishim nderin të kishim ligjërues interaktiv si z. Bashmir Xhemaj për komunikimin politik, znj. Flutura Kusari për lirinë e shprehjes dhe z. Agon Maliqi për sfidat e populizmit.

Dita e dytë vazhdoi me sesione tërheqëse nga z. Adri Nurellari mbi thelbin dhe rëndësinë e partive politike dhe pikëpamjet e z. Adem Beha mbi demokracinë e brendshme të partive politike në Kosovë.

Programi i Shkollës Politike mbështetet nga Këshilli i Evropës.

e diel, 2 korrik 20230

Seminari i III-të të Shkollës Politike - Gjenerata 21 (Siguria Nacionale dhe Politika e Jashtme)

Seminari III-të i Shkollës Politike u përmbyll me sukses në Prishtinë! Ishte një fundjavë e mbushur me diskutime interaktive, ligjërata me përmbajtje interesante dhe socializim! Temat kryesore të shtjelluara në këtë seminar ishin Siguria Nacionale dhe Politika e Jashtme, duke përfshirë sigurinë kibernetike për herë të parë në Shkollën Politike.

Ne dëshirojmë të shprehim mirënjohjen tonë për Konrad-Adenauer-Stiftung Kosovo dhe Këshillin e Evropës për mbështetjen e palëkundur të Shkollës Politike. Pa përkushtimin e tyre, ky seminar nuk do të ishte i mundur.

RSS

Previous 1 2 3 4 5 6 7 8 9 10 Next Last

Aktivitetet më të shikuara

Mbahet tryeza me temën “Ndikimi i MSA-së në zhvillimin ekonomik dhe në investimet e huaja direkte”

Diona Kusari / e hënë, 11 korrik 2016

/ Kategoria: Aktivitetet

Mbahet tryeza me temën “Ndikimi i MSA-së në zhvillimin ekonomik dhe në investimet e huaja direkte”

Me datën 11 korrik, Instituti i Prishtinës për Studime Politike (PIPS) së bashku me Grupin për Studime Juridike dhe Politike (GLPS) organizuan tryezën e parë tematike “Ndikimi i MSA-së në zhvillimin ekonomik dhe në investimet e huaja direkte”. Panelistët e tryezës përpos Drejtoreshës Ekzekutive të PIPS, Leonora KRYEZIU e cila gjithashtu udhëhoqi debatin, ishin: Shkëlqesia e saj Ambasadorja e Mbretërisë së Holandës në Prishtinë; znj. Gerrie WILLEMS; znj. Hykmete BAJRAMI, Ministre e Tregtisë dhe Industrisë; z. Kapllan HALIMI, Sekretar i Përgjithshëm në Ministrinë e Bujqësisë, Pylltarisë dhe Zhvillimit Rural dhe z. Bernard NIKAJ, Ambasador i emëruar në Bruksel dhe Ish-Ministër i Tregtisë dhe Industrisë. Në tryezë u diskutua se MSA është një arritje për Kosovën dhe paraqet një bazë të mirë për zhvillimin ekonomik të Kosovës duke stimuluar prodhimin dhe sjelljen e investitorëve të huaj. U përmend se sundimi i ligjit dhe korrupcioni janë hallka kyçe që pengojnë rezultatet e MSA-së dhe klimën e të bërit biznes në Kosovë. Mbi të gjitha, u konkludua se MSA-ja paraqet një kornizë ligjore e cila mund të shtyejë reforma shumë të nevojitura për ekonominë e Kosovës, në të njëjtën kohë duke ofruar qasje në një treg prej 500 milionësh për bizneset kosovare, mirëpo është në dorë të vullnetit, vizionit dhe punës së institucioneve kosovare që të nxjerrin më të mirën prej kësaj marrëveshjeje. Kjo tryezë u pasua me aktivitete të tjera në kuadër të projektit “Promovimi Marrëveshjes së Stabilizim Asociimit dhe Nisja e Debatit Publik për të Ardhmen Evropiane të Kosovës“, që përkrahet nga Ambasada e Mbretërisë së Holandës në Prishtinë dhe zbatohet nga PIPS dhe GLPS.

Print

20748 Rate this article:

No rating

Programet	Integrimi evropian
Viti i publikimit	2016

Aktivitetet tjera