e mërkurë, 27 nëntor 20240

Bashkëpunimi me Demo Finland rreth të rinjve në partitë politike

Instituti i Prishtinës për Studime Politike (PIPS) në bashkëpunim me Demo Finland, priti një delegacion të politikanëve të rinj finlandezë, të diplomuar të Akademisë së Demokracisë në Finlandë, për një vizitë studimore me qëllim nxitjen e dialogut dhe shkëmbimin e përvojave ndërmjet Kosovës dhe Finlandës. Kjo vizitë ofroi një platformë për të eksploruar sfidat dhe mundësitë për pjesëmarrje politike në mesin e të rinjve në Kosovë duke shkëmbyer përvojat finlandeze të bashkëpunimit shumëpartiak.

e martë, 26 nëntor 20240

Dialogu i Prishtinës – Ballkani dhe Azia e Jugut

Më 25 nëntor 2024, Instituti i Prishtinës për Studime Politike (PIPS), në bashkëpunim me Institutin Aziatik të Diplomacisë dhe Çështjeve Ndërkombëtare (AIDIA) dhe Ministrinë e Punëve të Jashtme dhe Diasporës së Kosovës organizuan forumin “Dialogu i Prishtinës – Ballkani dhe Azia e Jugut” , e cila u mbështet financiarisht nga Fondacioni i Kosovës për Shoqëri të Hapur (KFOS).

Ky event i nivelit të lartë mblodhi për herë të parë aktorë kryesorë, politikëbërës, liderë, përfaqësues të shoqërisë civile dhe media nga Kosova dhe Azia e Jugut (India, Nepali, Bangladeshi, dhe Shri Lanka) për të diskutuar mundësitë dhe sfidat e përbashkëta në fushën e demokracisë, bashkëpunimit rajonal dhe zhvillimit ekonomik.

e enjte, 10 tetor 20240

Seminari i V-të i Shkollës Politike (Gjenerata e 22-të) - Komunikimi Politik, Dezinformimi dhe Pjesëmarrja

Gjatë këtij vikendi, nga data 4 deri më 6 Tetor, u mbajt seminari i V-të, që përkon me seminarin e fundit të gjeneratës së 22-të të Shkollës Politike të PIPS. Tema e këtij seminari ishte “Komunikimi Politik, Dezinformimi dhe Pjesëmarrja”, ku si element kishte më shumë punën në grupe dhe tema më praktike.

e mërkurë, 2 tetor 20240

Seminari i IV-të i Shkollës Politike (Gjenerata e 22-të) - Zhvillimi i Qëndrueshëm - Politikat, Institucionet dhe Qeverisja

Këtë fundjavë, nga 20 deri më 22 shtator, mbajtëm Seminarin e IV-të të Shkollës Politike të PIPS me gjeneratën e 22-të, e cila kishte temën 'Zhvillimi i Qëndrueshëm - Politikat, Institucionet dhe Qeverisja'. Seminari pati ligjërata dhe diskutime rreth ekonomisë, zhvillimit të qëndrueshëm dhe qeverisjen efektive për përparimin e Kosovës.

Seminari solli tema interesante pë pjesëmarrësit, ku ata patën mundësi të eksploronin modele të ndryshme zhvillimi me z. Adri Nurellari dhe perspektiva të reja mbi ekonominë me z. Edison Jakurti. Diskutuam gjithashtu rëndësinë e qeverisjes efektive për rritjen ekonomike me z. Shpend Ahmeti, dhe rolin kyç të sundimit të ligjit në zhvillimin ekonomik me z. Dastid Pallaska

Sesione të tjera theksuan rrugën e Kosovës drejt integrimit në BE dhe bashkëpunimin rajonal, me njohuri të vlefshme nga z. Artan Çollaku dhe znj. Sytrime Dervisholli, si dhe rëndësinë e arsimit joformal dhe ICT-së në Kosovë nga z. Shpend Lila.

e premte, 6 shtator 20240

Seminarin Rajonal i Drejtësisë Tranzicionale në bashkëpunim me BFPE (Shkolla Politike e Serbisë) - 30 gusht - 1 shtator

Këtë fundjavë, nga 30 gushti deri më 1 shtator, PIPS organizonoi Seminarin Rajonal të Drejtësisë Tranzicionale në bashkëpunim me BFPE. Seminari i cili u organizua nën ombrellën e projektit rajonal “Mbështetja e BE-së për Ndërtimin e Besimit në Ballkanin Perëndimor”, i cili financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP), mblodhi 40 pjesëmarrës të përkushtuar nga Kosova dhe Serbia.

Ky seminar shërbeu si një platformë për dialog dhe mirëkuptim. Duke u fokusuar në drejtësinë tranzicionale dhe në kujtesën kolektive të konfliktit të vitit 1999 në Kosovë, ne inkurajuam një mjedis komunikimi të hapur për të mësuar më shumë rreth bazave të drejtësisë tranzicionale dhe për të shkëmbyer pikëpamje se si të trajtojmë të kaluarën në mënyrë të përgjegjshme.

Seminari filloi me një seancë mirëseardhëse të udhëhequr nga znj. Leonora Kryeziu (PIPS), z. Nuno Queirós (UNDP), znj. Eva Palatova (Zyra e BE-së) dhe znj. Svetlana Stefanovic (BFPE). Gjatë seminarit, ne patëm nderin të eksploronim tema shumë të rëndësishme me folës dhe ekspertë të ndryshëm të Drejtësisë Tranzicionale, si mekanizmat e drejtësisë tranzicionale me z. Thomas Unger, konteksti historik i konfliktit me znj. Sonja Biserko, dhe njohuri rreth përpjekjeve humanitare me z.Bekim Blakaj. Ndërsa, dr. Gëzim Visoka dhe znj. Jovana Radosavljević organizuan një diskutim të rëndësishëm mbi sfidat dhe mundësitë në arritjen e paqes së qëndrueshme. Fundjava u përmbyll me reflektime mbi median dhe memorializimin e udhëhequr nga z. Abit Hoxha dhe znj. Serbeze Haxhiaj.

RSS

Previous 1 2 3 4 5 6 7 8 9 10 Next Last

Aktivitetet më të shikuara

Seminari i parë i Shkollës Politike 2020

SuperUser Account / e martë, 10 mars 2020

/ Kategoria: Aktivitetet

Seminari i parë i Shkollës Politike 2020

Gjenerata e 18-të e Shkollës Politike sot ka mbajtur seminarin e parë Shteti dhe Shoqëria: Orientimi Politik, Qeverisja dhe Rendi Politik. ⁣
⁣
Gjatë ligjëratave ndër tjera pjesëmarrësit kanë pasur rastin të diskutojnë për: fillet e shtetit dhe qeverisjes; drejtësinë dhe sistemin e drejtësisë si parashtyllë e shtetit; shtetshmërinë si koncept në raport me ligjin ndërkombëtar dhe marrëdhëniet ndërkombëtare; mënyrat e shpalljes së shteteve; konceptet e rendit qeverisës; përfaqësimin në qeverisje etj; përgjegjësinë e Kosovës për përmbushjen e reformave të procesit të integrimit në BE vis-a-vis zhvillimeve të fundit në BE dhe implikimet e politikës së zgjerimit; historikun e krijimit të sistemeve politike; dizajnimin dhe dimensionet e sistemit politik të Republikës së Kosovës; legiitimitetin e shtetit si koncept dhe si praktikë; shtetndërtimin përmes intervenimit ndërkombëtar;ndërtimi i shtetit përballë çështjes së kombit në rastin e Kosovës, faktorët që ndërhyjnë në qeverisje dhe pse shtetet dështojnë.

Seminari u përfundua me diskutime për temat kryesore në politikën kosovare momentalisht: Për drejtësinë tranzicionale, dokumentimin, situatën e krijuar dhe çka na pret në lidhje me krimet e luftës dhe paqe-ndërtimin; rrethanat momentale dhe objektivat e procesit të dialogut Kosovë-Serbi.

Ndër tjera pjesëmarrësit patën mundësinë të takohen me Znj. Doris Pack dhe të bisedojnë për sfidat me të cilat po përballet Kosova dhe shtetet evropiane.

Print

28690 Rate this article:

No rating

Programet

Energjia dhe ambienti

Aktivitetet tjera