Seminari III i Shkollës Politike: Paqja, Diplomacia dhe Siguria (Gjenerata 24) e hënë, 13 korrik 20260

Seminari III i Shkollës Politike: Paqja, Diplomacia dhe Siguria (Gjenerata 24)

Instituti i Prishtinës për Studime Politike (PIPS) organizoi Seminarin III të Shkollës Politike gjatë datave 3-5 korrik, kushtuar temës “Paqja, Diplomacia dhe Siguria”, me fokus të veçantë në pozitën e Kosovës në një rend botëror dhe mjedis gjeopolitik në ndryshim.

Gjatë tri ditëve, pjesëmarrësit patën mundësi të diskutojnë zhvillimet aktuale në politikën e jashtme të Kosovës, procesin e njohjes ndërkombëtare, integrimin euro-atlantik, dinamikat e sigurisë në Ballkanin Perëndimor, si dhe mënyrat e reagimit institucional ndaj situatave të krizës.

Seminari Rajonal për Drejtësi Tranzicionale/Regional Seminar on Transitional Justice/Regionalni seminar o tranzicionoj pravdi e hënë, 22 qershor 20260

Seminari Rajonal për Drejtësi Tranzicionale/Regional Seminar on Transitional Justice/Regionalni seminar o tranzicionoj pravdi

PIPS mbajti Seminarin Rajonal mbi Drejtësinë Tranzicionale "Nga Ballafaqimi me të Kaluarën te Formësimi i së Ardhmes", duke bashkuar të rinjë nga shoqëria civile, profesionistë të medias, akademikë nga Kosova, Serbia, Bosnja dhe Hercegovina dhe Kroacia për dy ditë dialogu rajonal.

Gjatë seminarit, pjesëmarrësit eksploruan disa nga çështjet më urgjente me të cilat përballet Ballkani Perëndimor sot: si përballen shoqëritë me narrativat konkurruese të së kaluarës, si ndiqet llogaridhënia në mjedise të polarizuara politikisht, si proceset e personave të zhdukur mund të çojnë përpara të vërtetën dhe drejtësinë, dhe si të rinjtë, media e pavarur dhe perspektivat gjinore po formësojnë të ardhmen e kujtesës dhe pajtimit.

Përmes dialogut të hapur, seminari krijoi hapësirë për pjesëmarrësit për të sfiduar supozimet, për të ndarë përvoja rajonale dhe për të ndërtuar një rrjet rajonal më të fortë të përkushtuar për t'u përballur me të kaluarën.

Jemi mirënjohës ndaj ekspertëve, partnerit dhe pjesëmarrësve tanë për dy ditë bisedash kuptimplote dhe të nevojshme.

Ky aktivitet u mundësua me mbështetjen e projektit rajonal "Mbështetje e BE-së për Ndërtimin e Besimit në Ballkanin Perëndimor," i financuar nga Bashkimi Evropian (BE) dhe i zbatuar nga Programi i Kombeve të Bashkuara për Zhvillim (UNDP).

--
 

PIPS held the Regional Seminar on Transitional Justice "From Dealing with the Past to Shaping the Future", bringing together young political and civic leaders, media professionals, academics and civil society representatives from Kosovo, Serbia, Bosnia and Herzegovina, and Croatia for two days of regional dialogue.

Over the course of the seminar, participants explored some of the most pressing questions facing the Western Balkans today: how societies confront competing narratives of the past, how accountability is pursued in politically polarized environments, how missing persons processes can advance truth and justice, and how youth, independent media and gender perspectives are shaping the future of memory and reconciliation.

Through open dialogue and critical exchange, the seminar created space for participants to challenge assumptions, share regional experiences, and build a stronger regional network committed to dealing with the past.

We are grateful to the experts from Kosovo and across the region who led these sessions with insight and courage and to our partner and participants for two days of meaningful and necessary conversations.

The activity is made possible with the assistance of the regional project EU Support to Confidence Building in the Western Balkans, which is funded by the European Union (EU) and implemented by the United Nations Development Programme (UNDP).

Seminari II i Shkollës Politike: Politikat Publike, Sundimi i Ligjit dhe Zhvillimi i Qëndrueshëm e martë, 2 qershor 20260

Seminari II i Shkollës Politike: Politikat Publike, Sundimi i Ligjit dhe Zhvillimi i Qëndrueshëm

PIPS mbajti Seminarin II të Shkollës Politike me 29-31 maj në Brezovicë, me fokus në Politikat Publike, Sundimin e Ligjit dhe Zhvillimin e Qëndrueshëm. Gjatë tri ditëve të seminarit, pjesëmarrësit u angazhuan në diskutime, analiza dhe ushtrime praktike mbi sfidat e hartimit dhe zbatimit të politikave publike në Kosovë.

Sesione të ndryshme trajtuan kapacitetin shtetëror, llogaridhënien institucionale, zhvillimin e qëndrueshëm, politikat energjetike, integrimin evropian dhe qeverisjen digjitale në epokën e inteligjencës artificiale. Përmes kontributit të ekspertëve nga fusha akademike, institucionet publike, shoqëria civile dhe sektori i politikave publike, pjesëmarrësit reflektuan mbi mënyrat se si reformat mund të përkthehen në politika të zbatueshme dhe të qëndrueshme.

Seminari u përmbyll me reflektime mbi rolin e lidershipit, reformave dhe inovacionit në forcimin e qeverisjes demokratike në Kosovë.

Shkolla Politike mbështetet nga Këshilli i Evropës, Demo Finland dhe Konrad Adenauer Stiftung Kosovo.

Seminari i parë i Shkollës Politike – Kosova, Demokracia, dhe Shtetësia në një rend gjeopolitik në ndryshim - Përmbledhje e tre ditëve e martë, 21 prill 20260

Seminari i parë i Shkollës Politike – Kosova, Demokracia, dhe Shtetësia në një rend gjeopolitik në ndryshim - Përmbledhje e tre ditëve

U përmbyll me sukses seminari i parë i Shkollës Politike, i fokusuar në Kosovën, demokracinë dhe shtetësinë në një rend gjeopolitik në ndryshim.

Dita 1 vendosi bazat e diskutimit duke trajtuar kontekstin global dhe rajonal, nga ndryshimet në rendin botëror dhe implikimet për Ballkanin Perëndimor dhe Kosovën, te roli i marrëdhënieve transatlantike dhe presionet në rritje ndaj demokracisë, përfshirë populizmin dhe polarizimin politik.

Dita 2 u fokusua në rrugëtimin e Kosovës, nga shtetndërtimi deri te sfidat aktuale demokratike. Diskutimet trajtuan performancën e institucioneve, besimin publik dhe rreziqet që polarizimi politik paraqet për dialogun demokratik dhe kohezionin shoqëror.

Dita 3 e orientoi diskutimin drejt së ardhmes, duke trajtuar të drejtat e njeriut dhe të minoriteteve si shtyllë të shtetësisë dhe integrimit evropian, si dhe rolin e mekanizmave kushtetues në ruajtjen e stabilitetit institucional dhe forcimin e qëndrueshmërisë demokratike.

Falënderim i veçantë për kontribuesit dhe ligjëruesit tanë, Dr. Gëzim Visoka, z. Agon Maliqi, z. Adri Nurellari, Dr. Ramadan Ilazi, znj. MaryAnne Hennessey, z. Miodrag Milicevic dhe znj. Gresa Caka Nimani, si dhe për të gjithë partnerët dhe pjesëmarrësit për këtë fundjavë të vlefshme diskutimesh.

Shkolla Politike mbështetet nga Këshilli i Evropës, Demo Finland, dhe Konrad-Adenauer Stiftung Kosovo.

Takimi me gjeneratën e 24-të të Shkollës Politike e martë, 7 prill 20260

Takimi me gjeneratën e 24-të të Shkollës Politike

Sot u mbajt takimi i parë me pjesëmarrësit e Gjeneratës së 24-të të Shkollës Politike, i cili shërbeu si një mundësi për t’u njohur mes vete dhe për të krijuar bazat e bashkëpunimit përgjatë programit.

Gjatë këtij takimi, prezantuam në detaje programin e Shkollës Politike për vitin 2026, duke përfshirë temat, strukturën dhe aktivitetet që do të zhvillohen gjatë vitit.

Broshurën e plotë të programit mund ta gjeni këtu:
https://pips-ks.org/sq/Detaje/ArtMID/1446/ArticleID/4336/Shkolla-Politike-2026-Gjenerata-e-24-t235

 

RSS
135678910Last
Aktivitetet më të shikuara
 
Shkolla Politike e Prishtinës në Forumin Botëror për Demokraci 2026 në Strasburg
Jon Krasniqi
/ Kategoria: Aktivitetet

Shkolla Politike e Prishtinës në Forumin Botëror për Demokraci 2026 në Strasburg

Pjesëmarrësit e Gjeneratës së 24-të të Shkollës Politike morën pjesë në Forumin Botëror për Demokraci të Këshillit të Evropës, duke u bërë pjesë e diskutimeve ndërkombëtare mbi të ardhmen e demokracisë, sigurinë demokratike dhe sfidat me të cilat përballen shoqëritë bashkëkohore.

Instituti i Prishtinës për Studime Politike (PIPS), së bashku me pjesëmarrësit e Gjeneratës së 24-të të Shkollës Politike, qëndroi në Strasburg të Francës nga 1 deri më 5 nëntor 2026, në kuadër të vizitës së organizuar për pjesëmarrje në Forumin Botëror për Demokraci dhe aktivitetet e Rrjetit të Shkollave Politike të Këshillit të Evropës.

Forumi Botëror për Demokraci, i cili u mbajt më 2 dhe 3 nëntor në ambientet e Këshillit të Evropës, këtë vit u organizua nën temën “Përçarje apo ripërtëritje? Siguria demokratike për të ardhmen” (Rupture or renewal? Democratic security for the future). Edicioni i 14-të i Forumit mblodhi përfaqësues të institucioneve politike, organizatave të shoqërisë civile, akademisë, mediave dhe të rinj nga vende të ndryshme, për të diskutuar mbi gjendjen e demokracisë dhe mundësitë për forcimin e saj përballë zhvillimeve dhe sfidave të reja.

Gjatë dy ditëve të Forumit, pjesëmarrësit e Shkollës Politike ndoqën diskutimet dhe sesionet që trajtuan transformimet politike, shoqërore dhe teknologjike që po ndikojnë në demokracitë bashkëkohore. Në veçanti, diskutimet u përqendruan te rëndësia e parashikimit të sfidave të ardhshme, forcimi i besimit të qytetarëve në institucione, mbrojtja e hapësirës qytetare, përfshirja demokratike dhe përballja me dezinformimin dhe ndërhyrjet e jashtme. Një pjesë e rëndësishme e programit përfshiu edhe prezantimin e nismave konkrete që synojnë ta bëjnë demokracinë më gjithëpërfshirëse, më të qëndrueshme dhe më të përgjegjshme ndaj qytetarëve.

Përtej programit kryesor të Forumit, më 4 nëntor, pjesëmarrësit e Shkollës Politike iu bashkuan aktiviteteve të veçanta të organizuara për rrjetin e Shkollave Politike të Këshillit të Evropës. Këto aktivitete krijuan mundësi për diskutim, shkëmbim të përvojave dhe ndërveprim me pjesëmarrës nga shkollat e tjera politike, duke ofruar një hapësirë për të reflektuar mbi sfidat e përbashkëta demokratike dhe qasjet e ndryshme në adresimin e tyre.

Gjatë vizitës në Strasburg, pjesëmarrësit e Shkollës Politike të Prishtinës patën mundësinë të vizitojnë Gjykatën Evropiane për të Drejtat e Njeriut, në kuadër të ditës së dytë të Forumit Botëror për Demokraci (WFD). 

Së bashku me pjesëmarrësit e Akademisë së Studimeve Politike nga Tirana, Shqipëri, ata u takuan me z. Darian Pavli, gjyqtarin shqiptar pranë kësaj Gjykate, me të cilin zhvilluan një diskutim interaktiv mbi të drejtat e njeriut dhe rolin e këtij institucioni në mbrojtjen e tyre.

Një moment i veçantë i kësaj vizite ishte edhe ceremonia e ndarjes së diplomave për pjesëmarrësit e Shkollës Politike, duke shënuar përmbylljen e një tjetër cikli të angazhimit të tyre në këtë program. Përtej njohjes së përkushtimit dhe pjesëmarrjes gjatë programit, kjo përvojë përfaqëson edhe një mundësi për të vazhduar angazhimin në rrjetin e profesionistëve dhe liderëve të rinj që ndajnë interesimin për zhvillimin demokratik dhe bashkëpunimin ndërmjet shoqërive.

Pjesëmarrja në Forumin Botëror për Demokraci është pjesë e vazhdimësisë së bashkëpunimit të Shkollës Politike të Prishtinës me Këshillin e Evropës dhe Rrjetin e Shkollave Politike. Përmes kësaj platforme, pjesëmarrësit kanë mundësi të përfitojnë nga përvojat ndërkombëtare, të krijojnë lidhje me bashkëmoshatarë dhe profesionistë nga vende të ndryshme dhe të sjellin perspektiva të reja në diskutimet mbi zhvillimet politike dhe demokratike në Kosovë.

Shkolla Politike e Prishtinës, e cila zbatohet nga PIPS që nga viti 2003, vazhdon të krijojë hapësira për edukim politik, dialog dhe shkëmbim ndërmjet profesionistëve të rinj dhe përfaqësuesve të sektorëve të ndryshëm të shoqërisë. Pjesëmarrja në aktivitete të tilla ndërkombëtare është një tjetër mundësi për ta lidhur këtë angazhim me përvojat dhe debatet më të gjera evropiane.

Programi i Shkollës Politike dhe vizita në Strasburg mbështeten nga Këshilli i Evropës.

Previous Article Takim ndërpartiak me të rinjtë e partive politike: Parandalimi i abuzimit me substancat narkotike te të rinjtë - 20 tetor
Next Article Takim ndërpartiak me asambleistë komunalë: Hapësirat publike në Prishtinë
Print
268 Rate this article:
No rating
Programet
  • Integrimi evropian
  • Shkolla Politike
Viti i publikimit
  • 2026