e mërkurë, 13 prill 20220

Seminari i I-rë i Shkollës Politike të Gjeneratës së 20-të

Përmbyllet me sukses seminari i I-rë i Gjeneratës së 20-të të Shkollës Politike!

Gjatë datave 1,2 dhe 3 prill, PIPS mbajti seminarin e I-rë me gjeneratën e 20-të të Shkollës Politike me temën “Shteti dhe Shoqëria”, e cila u karakterizua me ligjërata, diskutime të frytshme si dhe debate dhe punë në grupe. Shkolla Politike ishte me fat të kishte pjesë së saj ligjërues me tema të ndryshme si: Dr. Fisnik Korenica (Shteti si kornizë themelore e jetës politike: Shtetndërtimi dhe sovraniteti), Dr. Lumir Abdixhiku (Zhvillimi Politik), Dr. Gëzim Krasniqi (Marrëdhëniet ndërmjet Shtetit dhe Shoqërisë), Dr. Ramadan Ilazi (Zbërthimi i konceptit të shtetit në kontekstin e studimeve të paqes dhe konfliktit), Prof. Iain McMenamin (Përcaktimi, matja dhe luftimi i korrupsionit), Dr. Seb Bytyçi (Institucionet në vendet në transformim), Dr. Bernard Nikaj (Procesi i Integrimit Evropian) dhe Dr. Gëzim Visoka (Paqendërtimi dhe drejtësia tranzicionale).

Gjenerata e 20-të solli një frymë dhe dinamikë të re në Shkollën Politike.

e martë, 28 dhjetor 20210

THIRRJE PËR APLIKIM NË SHKOLLËN POLITIKE⁣⁣ - GJENERATA E 20-TË

Shkolla Politike e Prishtinës ka hapur konkursin për pranimin e kandidatëve për gjeneratën e njëzetë (20).

Shkolla Politike është një ndër programet e para të edukimit joformal politik në Kosovë dhe programi më i vjetër që është ende aktiv. Që nga viti 2003 Shkolla Politike implementohet nga Instituti i Prishtinës për Studime Politike me përkrahjen dhe nën ombrellën e Këshillit të Evropës.

KUSH MUND TË APLIKOJË?⁣⁣
⁣⁣
Kandidatët të cilët mund të aplikojnë për të vijuar programin e Shkollës Politike duhet të plotësojnë kriteret:⁣⁣

 Përfaqësues të partive politike, institucioneve publike, medias, OJQ dhe biznesit;⁣⁣
 Të ketë diplomuar së paku në nivelin Bachelor;
 Njohuria e gjuhës angleze është e obligueshme;⁣⁣
 Të mos ketë tejkaluar moshën 40 vjeçare;
 Qytetarë të Republikës së Kosovës;
 Aktiv dhe aspirues për tu veçuar në fushën e tyre të veprimit.

Për të aplikuar, kandidatët duhet të plotësojnë formularin online përmes: http://pips-ks.org/apliko/

AFATI PËR APLIKIM ËSHTË DERI MË 21 JANAR 2022.

e hënë, 13 dhjetor 20210

Punëtoria "Rinia, siguria njerëzore dhe komunitetet e sigurta"

Në bashkëpunim me Qendrën për Dialog Humanitar PIPS ka mbajtur punëtorinë "Rinia, siguria njerëzore dhe komunitetet e sigurta" prej 11-12 Dhjetor, me të rinjë nga të gjitha komunitetet etnike në Kosovë, secili nga profesione dhe fusha interesi të gjithfarëllojshme.

Punëtoria u hap me fjalimet përshëndetëse nga Zëvëndëskryeministrja Znj. Emilija Redžepi dhe Ministri Z. Elbert Krasniqi.

Me Dr. Ramadan Ilazi si fasilitues i punëtorisë pjesëmarrësit janë angazhuar në punë në grupe të veçanta të cilat e kanë fokusin në: sigurinë fizike, ekonomike, sociale-administrative dhe kulturore.

Së bashku pjesëmarrësit kanë skicuar sfidat kryesore brenda këtyre fushave, kanë identifikuar akterët kyçë dhe kanë dhënë zgjidhje për adresimin e këtyre sfidave.

Përmes aktiviteteve të rradhës, pjesëmarrësit do të kenë mundësinë t'i prezantojnë këto të gjetura para institucioneve kyçe.

e mërkurë, 8 dhjetor 20210

Çfarë janë duke bërë institucionet e Kosovës në raport me luftën kundër ekstremizit të dhunshëm?

PIPS ka mbajtur diskutimin e rradhës në kuadër të Resilient Community Program (konzorcium me Advocacy Training and Resource Center - ATRC, PEN - Peer Educators Network dhe BIRN) mbështetur nga Global Community Engagement and Resilience Fund dhe USAID.

Në panel morrën pjesë Znj. Ganimete Gërbovci nga Ministria e Punëve të Brendshme, Znj. Adelina Ahmeti nga BIRN Kosovo, dhe Z. Skënder Përteshi nga Kosovar Center for Security Studies - KCSS.

Ky diskutim adresoi në thelb kombinimin e masave të ndryshme të ndërmarra nga institucionet e Kosovës, duke mos lënë anash pikëpamjet nga ana e medieve dhe shoqërisë civile.

Diskutimi tregoi se adresimi i këtij fenomeni nga institucionet e Kosovës është duke rezultuar me sukses. Institucionet e Kosovës ofrojnë mbështetje sociale për këtë grup.

e martë, 7 dhjetor 20210

PIPS nënshkruan memorandum bashkëpunimi me Akademinë Diplomatike të Kosovës

Angazhimi ynë në analizën e politikës së jashtme dhe diplomaci është shënuar me arritjen e radhës.

Më 6 Dhjetor 2021 znj. Leonora Kryeziu, Drejtoreshë e PIPS dhe z. Sabri Kiçmari, Drejtor i Përgjithshëm i Akademisë Diplomatike kanë nënshkruar marrëveshjen e bashkëpunimit ndërmjet dy institucioneve.

RSS

Previous 1 2 3 4 5 6 7 8 9 10 Next Last

Aktivitetet më të shikuara

Diskutimi Tematik: "Politikat për Eficiencë të Energjisë në Kosovë: Roli i parlamentit dhe gatishmëria institucionale për aplikimin e obligimeve të EE"

Diona Kusari / e mërkurë, 27 qershor 2018

/ Kategoria: Aktivitetet

Diskutimi Tematik: "Politikat për Eficiencë të Energjisë në Kosovë: Roli i parlamentit dhe gatishmëria institucionale për aplikimin e obligimeve të EE"

Instituti i Prishtinës për Studime Politike ka mbajtur më 27 Qershor 2018, tryezën e diskutimit me temën "Politikat për Eficiencë të Energjisë në Kosovë: Roli i parlamentit dhe gatishmëria institucionale për aplikimin e obligimeve të EE". Në këtë tryezë të diskutimit të pranishëm ishin deputetë, përfaqësues institucionesh, përfaqësues nga akademia, ambasada dhe përfaqësues të shoqërisë civile etj.

Fjalimet hyrëse u mbajtën nga z.Leonora Kryeziu- Drejtoreshë e PIPS, dhe z. Jasna Sekulovic - Menaxhere e Projektit Rajonal (GIZ ORF EE).

Gjatë tryezës u bë prezantimi i publikimit të PIPS të quajtur "Obligimet e Kosovës në fushën e eficiencës së energjisë dhe harmonizimi me Marrëveshjen e Stabilizim-Asociimit" nga z.Bedri Dragusha. Poashtu, z.Avni Sfishta - Menaxher i Projektit për Eficiencë të Energjisë në Kosovë, prezantoi mbi temën "Eficienca e energjisë në rrugën e tranzicionit energjetik". Z. Sfishta u fokusua në mundësitë që ka Kosova për të kryer tranzicionin energjetik, por që nevojitet vullneti politik për të mundësuar këto ndryshime të nevojshme.

Në pjesën e diskutimit znj. Sala Berisha Shala - Kryetare e Komisionit Parlamentar për Zhvillim Ekonomik i adresoi të pranishmit, duke treguar për rolin e parlamentit dhe cështjet që janë tanimë në konsiderim në këtë komisionin sa i përket eficiencës së energjisë, ndër to edhe projektligji për eficiencë të energjisë. Z. Luan Morina, Drejtor i departamentit të Energjisë në Ministrinë e Zhvillimit Ekonomik foli për gatishmërinë institucionale dhe z. Arsim Kuliqi për punën e Agjencisë së Kosovës për Eficiencë të Energjisë.

Në këtë ngjarje u theksua nevoja për bashkërendim të ndërmjetëm mes akterëve kyc në fushën e EE. Gjatë diskutimit poashtu u vu në pah kërkesa e deputetëve për bashkëpunim profesional me akterët e fushës, me qëllim të krijimit të politikave sa të duhura për të përmbushur dhe iu përshtatur nevojave dhe obligimeve sa i përket cështjes së eficiencës së energjisë.

Kjo ngjarje u zhvillua në kuadër të projektit "Bashkëpunimi rajonal dhe ngritja e kompetencave të deputetëve në Evropën Juglindore për temat e klimës dhe eficiencës së energjisë".

Print

20748 Rate this article:

No rating

Programet	Energjia dhe ambienti
Viti i publikimit	2018

Aktivitetet tjera