Number of search result: 30

Marrëveshjet e normalizimit ekonomik dhe implikimet e politikës së jashtme për Kosovën dhe Serbinë

Dhjetor 2021

Diona Kusari 0 2394 Article rating: No rating
​1​ vit ka kaluar nga n​​​ë​nshkrimi i​​​ marr​​ëveshj​​​es​ së shtatorit 2020 për normalizim ekonomik mes Kosovës dhe Serbisë​.​

PIPS ka bërë vlerësimin dhe analizën ​e​ ​zbatimit t​ë​ 5 pikave ​me rendë​​si ​​nga kjo marrëveshje:
(1) përcaktimin e Hezbollahut si një organizatë terroriste në tërësi
(2) pjesëmarrjen në Mini-Shengen (Ballkani i Hapur)
(3) respektimi i moratoriumit i cili pezulloi aplikimet e Kosovës për anëtarësim në organizatat ndërkombëtare
(4) njohja reciproke dhe vendosja e marrëdhënieve diplomatike me Izraelin për Kosovën, përkatësisht zhvendosja e Ambasadës në Jeruzalem për Serbinë dhe
(5) puna me vendet e tjera për të nxitur dekriminalizimin e homoseksualitetit

Kosova ka plotësuar 4 prej këtyre pikave, ndërsa Serbia vet​​ëm 2 prej tyre.

Publikimi​ sqaron kontekstin politik ​​​​​​dhe veprimeve e nd​ërmarra nga dy pal​ë​t p​ë​r aktualizimin e marr​ë​veshjes.

Dezinformimi në vendet e Ballkanit Perëndimor dhe domosdoshmëria për një reagim të vendosur

Nëntor 2021

Diona Kusari 0 2614 Article rating: No rating
Në punimin e fundit PIPS ka analizuar qasjen dhe rolin e Kosovës në luftën globale kundër dezinformimit. Ngjashëm me pjesët e tjera të globit, në vitet e fundit Ballkani Perëndimor ka pasur një rritje të dezinformimit dhe luftërave hibride.

Në Ballkanin Perëndimor qëllimet kryesore të lajmeve të rrejshme ndër të tjera përfshijnë prishjen e bazës së ligjshmërisë dhe sovranitetit të shtetësisë së Kosovës, ndryshimin e narrativave të luftës dhe krimeve të luftës, prishjen e besueshmërisë së Perëndimit në lidhje me shtetndërtimin në Kosovë. Lajmet për Kosovën, përveçse janë temë mbizotëruese në mediat serbe, shpeshherë janë objekt i raportimeve të pasakta. Narrativat e shpërndara nga mediat tendencioze gjithashtu përqendrohen në dobësimin e mbështetjes për institucionet euroatlantike.

Zhvillime të tilla janë pengesë ndaj integrimit dhe bashkëpunimit rajonal, për atë në këtë analizë të politikave PIPS ka listuar mundësitë dhe rekomandimet për qeverinë e Kosovës dhe BE-në për të trajtuar këtë fenomen.

Anëtarësimi i Kosovës në Kartën e Adriatikut: Cilat janë shanset?

Shtator 2021

Diona Kusari 0 2803 Article rating: No rating
Karta e Adriatikut (A-5) është një nga nismat kryesore rajonale në fushën e sigurisë në rajonin e Evropës Juglindore, duke ndihmuar kështu qëllimin e shteteve anëtare për të arritur integrimin në NATO dhe BE. Karta e Adriatikut përbëhet nga Shqipëria, Maqedonia, Kroacia, Mali i Zi dhe Bosnja dhe Hercegovina.

Kosova ishte vendi i fundit që fitoi statusin e vëzhguesit në A-5 në vitin 2012 dhe kërkesa e saj për t'u bërë anëtare e plotë dështoi nga vetoja e Bosnja dhe Hercevogina në vitin 2014.

Prandaj, cilat janë shansat e vërteta që Kosova të anëtarësohet në Kartën e Adriatikut?

Publikimi jonë i fundit sqaron përfitimet, mundësitë dhe pengesat për anëtarësimin e plotë të Kosovës në Kartën e Adriatikut.

Siguria e Ujit në Kosovë dhe Marrëveshja e Uashingtonit

Shtator 2021

Diona Kusari 0 2907 Article rating: No rating
Sfidat që rrjedhin nga mungesa e koordinimit dhe normalizimit të marrëdhënieve politike me Serbinë e kanë tensionuar menaxhimin e Ujmanit dhe kanalit Ibër. Duke e pasur këtë parasysh, diskutimet e drejtuara nga SHBA-të në Shtëpinë e Bardhë më 4 shtator 2020 u përpoqën të trajtonin këtë çështje dhe në pikën shtatë të marrëveshjes u propozua një studim fizibiliteti që shikonte mundësitë e përdorimit të përbashkët të rrjedhës së ujit.

Ky shkrim përmbledhës synon të analizojë rastin e “Liqenit të Ujmanit” duke u fokusuar në bashkëpunimin rajonal dhe rëndësinë ekonomike. Për më tepër, ky shkrim përqendrohet në rëndësinë gjeopolitike të Liqenit të Ujmanit, Marrëveshjen e Uashingtonit dhe rekomandimet e dala nga kjo marrëveshje, rastet e ngjashme dhe precedentët ndërkombëtarë për menaxhimin e përbashkët të resurseve ujore, si dhe pasojat e marrëveshjes.

Një diskutim i shkurtër mbi rëndësinë e MSA-së dhe Dialogut Politik ndërmjet Kosovës dhe Bashkimit Evropian (BE)

Maj 2021

Diona Kusari 0 3570 Article rating: No rating
Publikimi "Një diskutim i shkurtër mbi rëndësinë e MSA-së dhe Dialogut Politik ndërmjet Kosovës dhe Bashkimit Evropian (BE)" argumenton rëndësinë e shfrytëzimit të Titullit II për Dialogun Politik nga Kosova për të arritur mbështetjen e BE-së në konsolidimin e dimensioneve të jashtme shtetërore përmes bashkëpunimit me BE-në, në përvjetorin e pestë të hyrjes në fuqi të Marrëveshjes së Stabilizim-Asociimit.

Përtej asaj se dialogu për normalizimin e marrëdhënieve Kosovë-Serbi përbën një pjesë të rëndësishme të Titullit II, ky kapitull ofron potencial të pashfrytëzuar për mënyrat tjera të bashkëpunimit ndërmjet Kosovës dhe BE-së.

Ky publikim analizon ngecjet nga ana e Kosovës në shfrytëzimin e këtij potenciali dhe ofron rekomandime për mënyrën e aplikimit tash e tutje.

Ky publikim është publikuar në kuadër të Programit për Analizë të Politikës së Jashtme të PIPS. Publikimi u mundësua me mbështetjen e Fondacionit Kosovar për Shoqëri Civile.

Ngecja e procesit të normalizimit ndërmjet Kosovës dhe Serbisë: Cila është rruga përpara?

Janar 2021

Diona Kusari 0 3581 Article rating: No rating

Publikimi i fundit i PIPS adreson temën e normalizimit të marrëdhënieve ndërmjet Kosovës dhe Serbisë. Publikimi është mbledhur përmes një formati të veçantë, i cili përmbledh pikat kryesore të tre diskutimeve të ndara me ekspertë mbi temat e Asociacionit të Komunave me Shumicë Serbe, Drejtësia Tranzicionale dhe Ballafaqimi me të kaluarën, si dhe Politika e Jashtme dhe Bashkëpunimi Rajonal.

Anketa vjetore Politika Ndërkombëtare dhe Dialogu Kosovë-Serbi

Dhjetor 2020

Diona Kusari 0 4097 Article rating: No rating

Anketa 'Politika Ndërkombëtare dhe Dialogu Kosovë-Serbi: Perceptimet e Qytetarëve të Kosovës' botohet në baza të përvitshme në kuadër të Programit për Analiza të Politikës së Jashtme (PAPJ), që është një nga programet kryesore të PIPS. Ky është edicioni i tretë i anketës, i publikuar në bashkëpunim me Konrad Adenauer Stiftung (KAS), zyrja në Prishtinë.

Qëllimi i këtij edicioni të anketës është ofrimi i të dhënave dhe rezultateve për perceptimet publike të qytetarëve kosovarë për: Politikën ndërkombëtare dhe akterët ndërkombëtarë, që ofron të dhëna për perceptimet në raport me politikën ndërkombëtare dhe aktorët rajonalë dhe globalë, duke përfshirë shtetet dhe organizatat ndërkombëtare & Procesin e dialogut Kosovë-Serbi, më saktësisht perceptimet e qytetarëve kosovarë për Marrëveshjen e Washington-it, asocacionin e komunave serbe si dhe arritjen e një marrëveshje finale për normalizimin e marrëdhënieve mes dy shteteve.

Pasojat e Covid-19 në politikën ndërkombëtare

Shtator 2020

Diona Kusari 0 4455 Article rating: No rating

Megjithëse përparimet teknologjike dhe shkencore të dekadave të fundit kanë përmirësuar aftësinë e njeriut për t'iu përgjigjur sëmundjeve të tilla si Covid-19, pasojat e tyre nuk janë të vogla, kështu që koronavirusi ka qenë një faktor i rëndësishëm prapa ndryshimeve të fundit në fushën e diplomacisë dhe marrëdhëniet midis qeverive dhe organizatave ndërkombëtare. Pyetjet kryesore që vërtiten rreth një enigme të tillë kanë të bëjnë me implikimet gjeopolitike që janë prodhuar në rendin aktual botërorë dhe aktorët ndërkombëtarë. Ky punim i shkurtër përshkruan disa efekte që Covid-19 ka pasur në politikën ndërkombëtare deri më tani. Ky dokument rendit tre fusha në të cilat Covid-19 mund të prodhojë ndikim thelbësor: marrëdhëniet midis SHBA dhe Kinës, idetë e globalizimit dhe konfliktit të armatosur dhe dhunës politike. 

RSS
1234