Për shkollën politike

Hapet thirrja për aplikim në programin e Shkollës Politike (Gjenerata 21)

Diona Kusari / e premte, 20 janar 2023

/ Kategoria: Per SHP

Hapet thirrja për aplikim në programin e Shkollës Politike (Gjenerata 21)

Shkolla Politike është një ndër programet e para të edukimit joformal politik në Kosovë dhe programi më i vjetër që është ende aktiv. Që nga viti 2003, Shkolla Politike implementohet nga Instituti i Prishtinës për Studime Politike me përkrahjen dhe nën ombrellën e Këshillit të Evropës.

Shkolla Politike e Prishtinës është themeluar me qëllim të fuqizimit të liderëve politikë, ekonomik, social dhe kulturor, për të ndihmuar procesin e tranzicionit të shoqërisë kosovare duke mbeshtetur krijimin e një shoqërie moderne, kulture politike demokratike, përmes ofrimit të një hapësire për dialog dhe shkëmbim ndërmjet liderëve aktualë dhe të ardhshëm, të ardhur nga një sërë sferash. Në një vështrim më të gjerë, puna e Shkollës Politike lidhet me adresimin e deficitit demokratik, sundimit të ligjit dhe çështjes së të drejtave të njeriut.

Pjesëmarrësit e Shkollës janë të përzgjedhur nga një gamë e gjerë grupesh, akterësh dhe organizatash si partitë politike, administrata publike, shoqëria civile, media, grupet minoritare, biznesi dhe akademia.
Fokusi edukativ i Shkollës mund të përshkruhet me idenë e fuqizimit të parimeve dhe praktikave demokratike. Modulet e Shkollës përfshijnë tema si: funksionimi i rendit demokratik me pjesëmarrjen, përfaqësimin dhe gjithëpërfshirjen, qeverisja e mirë, të drejtat e njeriut, politikat e sigurisë, politika e jashtme dhe marrëdhëniet ndërkombëtare, politikat zhvillimore si energjia dhe agjenda e gjelbër, si dhe partitë politike dhe roli i medias.

Çdo vit akademik, shkolla pranon një grup deri në 30 pjesëmarrës të cilët përzgjedhën në bazë të aftësive të tyre profesionale, duke marrë në konsideratë edhe faktorë të tjerë relevantë politik, social, etnik, gjinor, dhe gjeografik. Një numër i konsiderueshëm ish-pjesëmarrësish të Shkollës Politike mbajnë pozita kyçe në jetën politike dhe sociale në Kosovë. Për më tepër, ligjëruesit e Shkollës janë ekspertë të fushave të ndryshme, të përfshirë në proceset politike dhe jetën publike, akademike, përfaqësues institucionesh dhe organizatash, diplomatë dhe gazetarë, vendor dhe ndërkombëtar.

SHKOLLA POLITIKE E PRISHTINËS KA HAPUR KONKURSIN PËR PRANIMIN E KANDIDATËVE PËR GJENERATËN E NJËZET E NJËT (21).

KUSH MUND TË APLIKOJË?
Kandidatët të cilët mund të aplikojnë për të vijuar programin e Shkollës Politike duhet të plotësojnë kriteret si më poshtë:

 Përfaqësues nga partitë politike, institucionet publike, mediat, OJQ dhe biznesit;
 Të ketë diplomuar së paku në nivelin Bachelor;
 Njohuria e gjuhës angleze është e obligueshme;
 Të mos ketë tejkaluar moshën 40 vjeçare;
 Qytetarë të Republikës së Kosovës;
 Aktiv dhe aspirues për tu veçuar në fushën e tyre të veprimit.

Përveç kritereve të mësipërme, procedura e përzgjedhjes së përcaktuar nga Shkolla do të favorizojë ata kandidatë të cilët demonstrojnë njohuri dhe gatishmëri për t'u angazhuar aktivisht në programin akademik dhe profesional, si dhe të shprehin qëndrimet e tyre lirshëm, duke i kontribuar debatit konstruktiv. Përzgjedhja finale do të sigurojë përfaqësim të barabartë gjinor dhe gjeografik.
Për të aplikuar, kandidatët duhet të plotësojnë formularin online përmes: http://pips-ks.org/apliko/

Aplikimi duhet të përfshijë:
1. Formularin e plotësuar tërësisht me të dhëna të sakta dhe foton tuaj;
2. Curriculum Vitae (CV);
3. Letër rekomandimi e dedikuar për këtë Program, nënshkruar dhe vulosur nga punëdhënësi ose institucioni të cilin e përfaqësoni;
4. Dëshmia e diplomës.

AFATI PËR APLIKIM ËSHTË DERI MË 12 SHKURT 2023.
Kandidatët që kalojnë fazën e parë do të ftohen për intervistë në zyrat e PIPS-it.

Për vijimin e programit njëvjeçar, kandidatët e përzgjedhur duhet të paguajnë shumën e regjistrimit prej 50 (pesëdhjetë) euro.

1906 Rate this article:

No rating

Aktivitetet nga Shkolla Politike

Seminari i IV-të i Shkollës Politike (Gjenerata e 22-të) - Zhvillimi i Qëndrueshëm - Politikat, Institucionet dhe Qeverisja

2 tetor 2024

Këtë fundjavë, nga 20 deri më 22 shtator, mbajtëm Seminarin e IV-të të Shkollës Politike të PIPS me gjeneratën e 22-të, e cila kishte temën 'Zhvillimi i Qëndrueshëm - Politikat, Institucionet dhe Qeverisja'. Seminari pati ligjërata dhe diskutime rreth ekonomisë, zhvillimit të qëndrueshëm dhe qeverisjen efektive për përparimin e Kosovës.

Seminari solli tema interesante pë pjesëmarrësit, ku ata patën mundësi të eksploronin modele të ndryshme zhvillimi me z. Adri Nurellari dhe perspektiva të reja mbi ekonominë me z. Edison Jakurti. Diskutuam gjithashtu rëndësinë e qeverisjes efektive për rritjen ekonomike me z. Shpend Ahmeti, dhe rolin kyç të sundimit të ligjit në zhvillimin ekonomik me z. Dastid Pallaska

Sesione të tjera theksuan rrugën e Kosovës drejt integrimit në BE dhe bashkëpunimin rajonal, me njohuri të vlefshme nga z. Artan Çollaku dhe znj. Sytrime Dervisholli, si dhe rëndësinë e arsimit joformal dhe ICT-së në Kosovë nga z. Shpend Lila.

e mërkurë, 2 tetor 2024/Author: Diona Kusari/Numri i shikimeve (1182)/Comments (0)/ Article rating: No rating

Kategoria: Aktivitetet

Etiketimet:

Seminarin Rajonal i Drejtësisë Tranzicionale në bashkëpunim me BFPE (Shkolla Politike e Serbisë) - 30 gusht - 1 shtator

6 shtator 2024

Këtë fundjavë, nga 30 gushti deri më 1 shtator, PIPS organizonoi Seminarin Rajonal të Drejtësisë Tranzicionale në bashkëpunim me BFPE. Seminari i cili u organizua nën ombrellën e projektit rajonal “Mbështetja e BE-së për Ndërtimin e Besimit në Ballkanin Perëndimor”, i cili financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP), mblodhi 40 pjesëmarrës të përkushtuar nga Kosova dhe Serbia.

Ky seminar shërbeu si një platformë për dialog dhe mirëkuptim. Duke u fokusuar në drejtësinë tranzicionale dhe në kujtesën kolektive të konfliktit të vitit 1999 në Kosovë, ne inkurajuam një mjedis komunikimi të hapur për të mësuar më shumë rreth bazave të drejtësisë tranzicionale dhe për të shkëmbyer pikëpamje se si të trajtojmë të kaluarën në mënyrë të përgjegjshme.

Seminari filloi me një seancë mirëseardhëse të udhëhequr nga znj. Leonora Kryeziu (PIPS), z. Nuno Queirós (UNDP), znj. Eva Palatova (Zyra e BE-së) dhe znj. Svetlana Stefanovic (BFPE). Gjatë seminarit, ne patëm nderin të eksploronim tema shumë të rëndësishme me folës dhe ekspertë të ndryshëm të Drejtësisë Tranzicionale, si mekanizmat e drejtësisë tranzicionale me z. Thomas Unger, konteksti historik i konfliktit me znj. Sonja Biserko, dhe njohuri rreth përpjekjeve humanitare me z.Bekim Blakaj. Ndërsa, dr. Gëzim Visoka dhe znj. Jovana Radosavljević organizuan një diskutim të rëndësishëm mbi sfidat dhe mundësitë në arritjen e paqes së qëndrueshme. Fundjava u përmbyll me reflektime mbi median dhe memorializimin e udhëhequr nga z. Abit Hoxha dhe znj. Serbeze Haxhiaj.

e premte, 6 shtator 2024/Author: Diona Kusari/Numri i shikimeve (1026)/Comments (0)/ Article rating: No rating

Kategoria: Aktivitetet

Etiketimet:

Seminari i III-të i Gjeneratës së 22-të së Shkollës Politike - Politika e Jashtme dhe Siguria Nacionale

3 korrik 2024

Gjatë fundjavës (28-30 Qershor), Shkolla Politike organizoi seminarin e tretë për gjeneratën e saj të 22-të. Tema e seminarit të III-të ishte Politika e Jashtme dhe Siguria Nacionale. Vikendi ishte i mbushur me ligjërata/diskutime të rëndësishme nga përfaqësues të ndryshëm, të cilët diskutuan gjerësisht rreth Politikës së Jashtme, Sigurisë Nacionale dhe rolin e Kosovës në këtë fushë. Ishte një fundjavë e mbushur me diskutime interaktive, ligjërata interesante dhe momente dinamike!

Diskutimet gjatë seminarit ishin frytdhënëse dhe të dobishme për të gjithë pjesëmarrësit. Jemi mirënjohës për kontributin e të gjithë ligjëruesve, moderatorëve dhe pjesëmarrësve në suksesin e këtij seminarit.
Më poshtë, shihni disa momente nga Seminari i parë i Shkollës Politike.

Programi i Shkollës Politike mbështetet nga Këshilli i Evropës. Ky seminar i Shkollës Politike është mbështetur nga Konrad-Adenauer-Stiftung Kosovo.

e mërkurë, 3 korrik 2024/Author: Diona Kusari/Numri i shikimeve (2956)/Comments (0)/ Article rating: No rating

Kategoria: Aktivitetet

Etiketimet:

RSS

Më shumë

Aplikimi për Shkollën Politike është hapur.

Apliko

18 Vite Shkolla Politike

Rreth 600 pjesëmarrës

Mbi 250 ligjërues

Mbi 60 seminare të organizuara

Mbi 500 ligjërata të mbajtura

Mbi 200 pjesëmarrës në Forumin Botëror për Demokraci

Rrjeti dhe asociacioni i shkollave politike

SuperUser Account / e premte, 6 mars 2020

/ Kategoria: Rrjeti dhe asociacioni

rrjeti dhe asociacioni

Shkolla Politike e Prishtinës është pjesë e forumeve shumëpalëshe Rrjeti i Shkollave Politike dhe Asociacioni i Shkollave Politike të Këshillit të Evropës.

Rrjeti i Shkollave Politike u krijua nga Këshilli i Evropës në 2005 për të siguruar një kornizë për shkëmbimin e informacionit, ekspertizës dhe praktikave mes Shkollave. Rrjeti gjithashtu ofron një mjedis në të cilin zhvillohen aktivitete rajonale dhe bilaterale mes Shkollave Politike. Sot Shkollat Politike funksionojnë në Evropën Qendrore, Lindore dhe Jug-Lindore, Kaukazin e Jugut. Një shtrirje kaq e gjerë domosdoshmërisht ka rritur nevojën për bashkëpunim, prandaj Rrjeti i Shkollave Politike ofron një mundësi të këtillë. Për të mësuar më shumë rreth Rrjetit të Shkollave shkarko dokumentin këtu.

Asociacioni i Shkollave Politike të Këshillit të Evropës u themelua në vitin 2008 nga Drejtorët e Shkollave Politike, me qëllim forcimin e lidhjeve, stimulimin e zhvillimit dhe mbështetjen e tyre. Të pajisur me një kornizë ligjore, Shkollat tani kanë një mjet i cili lejon Rrjetin të komunikojë me një zë të vetin.

Asociacioni veçanërisht luan një rol të rëndësishëm në mbështetjen e Alumnistëve të shkollave. Uebfaqja e Shoqatës është bërë një qendër kryesore e komunikimit dhe informacionit për anëtarët e saj, si dhe siguron një platformë për dialog dhe shkëmbim midis të diplomuarve të shkollës dhe pjesëmarrësve aktualë. Më shumë informacione mund të gjenden tek: https://www.schoolsofpoliticalstudies.eu/index.php/en/.

62759 Rate this article:

No rating

Forumi Botëror për Demokraci

SuperUser Account / e premte, 6 mars 2020

/ Kategoria: Forumi boterore per demokraci

Forumi boteror per demokraci

Forumi Botëror për Demokraci (ish Universiteti Veror për Demokraci) është një prej aktiviteteve më të rëndësishme të Shkollave Politike. Ky aktivitet për çdo vit përbashkon në Strasburg Shkollat Politike të të gjitha shteteve, por jo vetëm, pasi programi është i hapur edhe për pjesëmarrës të tjerë.

Temat e Forumit Botëror për Demokraci ndryshojnë nga viti në vit. Deri tash pjesëmarrësit kanë pasur rastin të ndjekin edicione ku është diskutuar për demokracinë, pushtetin, kohezionin social, përfshirjen sociale, elitat politike, Evropën e re, pranverën arabe, përfaqësimin gjinor median dhe informacionin etj.

Shkolla Politike e Prishtinës ka qenë e përfaqësuar në këtë aktivitet me mbi 250 pjesëmarrës përgjatë viteve. Forumi Botëror për Demokraci gjithashtu shërben si një platofrmë për shkëmbimin e përvojave dhe nxjerrje të mësimeve më të mira, të aplikuara në kontekste të ndryshme. Më shumë informacion për këtë ngjarje mund të gjendet tek linku i mëposhtëm:https://www.coe.int/en/web/world-forum-democracy

62783 Rate this article:

No rating